“პირველ რიგში უნდა აღვნიშნო, რომ მგზავრობა საკმაოდ ხანგრძლივი იყო, მთელი26 საათი მოვუნდით ადგილზე ჩასვლას. ეს სპორტსმენისთვის ძალიან მძიმეა. მეორე დღესვე ორ ჩვენებურს გიორგი ზენაიშვილს (10-11 წელი, +45 კგ) და გუგა ივანაშვილს (12-13 წელი, -40 კგ.) მოუწია ასპარეზობა. გიორგიმ 2 მედალი მოიპოვა. ერთი კონტაქტურ კარატეში, სადაც მეორე ადგილზე გავიდა და მესამე ადგილი წილად ხვდა სპორტულ კარატეში. მას ერთ დღეში 9 ორთაბრძოლის გამართვა მოუწია. რომ არა, მგზავრობის სიძნელეები ალბათ, უმაღლესი სინჯის მედალსაც მოიპოვებდა. გუგამ 5 ბრძოლა ჩაატარა და ხუთივეში ბრწყინვალე იყო. ფინალური ორთაბრძოლა თურქ სპორტსმენს მოუგო მშრალი ანგარიშით _ 4:0. მანამდე კი რუმინელი, მაკედონიელი, უკრაინელი და ხორვატი მოწინააღმდეგეები დაამარცხა. ასევე წარმატებული იყო გიორგი კეჭეხმაძის (14-15 წელი, -63 კგ.) გამოსვლა.
“ცნობისთვის, ამ ბიჭს მოპოვებული აქვს მსოფლიო პირველობის საგზური, რომელიც ნოემბრის პირველ დეკადაში ესპანეთში გაიმართება. მან კიდევ ერთხელ დაამტკიცა, რომ საქართველოს ნაკრების ღირსეული წევრია. მასაც გუგას მსგავსად 5 ორთაბრძოლის გამართვა მოუწია და ყველაში გაიმარჯვა. ცალკე უნდა აღინიშნოს ობიექტური მსაჯობაც. გიორგიმ ერთ-ერთი ორთაბრძოლა, რომელიც ნახევარფინალში იყო გადასასვლელი ფრედ დაასრულა და მსაჯების გადაწყვეტილებით, მოგება მიანიჭეს. ფინალური ორთაბრძოლა თურქეთის ნაკრების წევრთად მოუწია. ის სპორტსმენი ტრაბზონიდან თვითმფრინავით ჩამოაფ-რინეს, რათა ევროპის პირველობაზე მიეღო მონაწილეობა. ფინალში კი ჩვენებურმა შანსი არ დაუტოვა 5:1. ფინალის დამთავრების შემდეგ დაჯილდოების ცერემონიალი გაიმართა, თუმცა თურქი სპორტსმენი მას არ დასწრებია. ისევ ტრაბზონში გაბრუნდა, სადაც ქვეყნის ნაკრები უკვე ერთია თვეა რაც ესპანეთის პირველობისთვის ემზადება. ჩვენთან კი საამისო პირობები არ არის. გიორგი გუშინ გავამგზავრე თბილისში რომ ესპანეთისთვის ერთკვირიანი ვარჯიში გაიაროს. საქართველოდან სულ 4 სპორტსმენი მიემგზავრება და ძალიან საამაყო, რომ აქედან ერთი ლანჩხუთელი იქნება. გიორგის მგზავრობის ხარჯებს ფედერაცია აფინანსებს”, _ უთხრა “გურია ნიუსს” თურქიამ.
საუბრის დასასრულს ბატონმა მერაბმა გვითხრა, რომ ევროპის პირველობაზე ის არბიტრის რანგში იყო მიწვეული და რამდენიმე ფინალური შეხვედრა იმსაჯა.
