რისთვის მოუნდა ივანიშვილს “ასეთი ტიპის შეხვედრები”

_ ბატონო გიორგი, ხომ არ ფიქრობთ, რომ ბიძინა ივანიშვილის გარეშე ამ მთავრობას გაუჭირდება და კოალიცია დაიშლება?

_ რა თქმა უნდა, ყველასთვის კარგია ასეთი პარტნიორი ჰყავდეს გვერდით. ყველაზე ძლიერი მოთამაშე გადადის სამოქალაქო სექტორში, მაგრამ ეს არ ნიშნავს, რომ კოალიცია დაიშლება.

ბიძინა ივანიშვილი კი ამბობს, მისი ეს გადაწყვეტილება საზოგადოებისთვის კარგია:

_ გიორგისთვის არ დამჭირვებია ახსნა, ყველაზე მეტი ახსნა დამჭირდა უსუფაშვილისთვის. ძალიან განიცდიდა. კარგად მესმის, რომ მთავრობა განიცდის და ვაცნობიერებ, კარგავენ გუნდის წევრს, მაგრამ საზოგადოებამ ვერ გააცნობიერა, რომ ეს კარგია. როცა შევხვდი ექსპერტებს და ჟურნალისტებს, იქ მინდოდა მეჩვენებინა საზოგადოებისთვის, რომელიც ძალიან განიცდის ჩემს წასვლას. ამისთვის მომინდა მე ასეთი ტიპის შეხვედრები, რაზეც ჟიჟილაშვილმა იქ ჩამჭრელი კითხვები დამისვა. ეს იყო, რა თქმა უნდა, ჩემი დიდი ხნის ნაფიქრი და პასუხი იმაზე, რომ დამეწყნარებინა საზოგადოება. საზოგადოების აღშფოთდა იმის, რომ ეს კაცი სადღაც მიდის. ჩემი ახსნები არ იყო საკმარისი. კი არ მივდივარ, გადავდივარ. ამ ორი შეხვედრით მე ვაჩვენე, პრინციპში, რომ აქ პრობლემები არსებობს. მე არ მინდა ისე ვთქვა, რომ იქ იყო ჩემი საყვარელი ხალხი, ჩემი მეგობრები. არ იფიქროთ, რომ მე გლობალურად პრეტენზია მაქვს ამისი. ეს ძალიან პატივსაცემი საზოგადოებაა, მაგრამ იქ რომ პრობლემები არსებობს, ამ შეხვედრაზეც ჩანდა. მე მგონი, რომ პასუხისმგებლობის განცდა უნდა გაიზარდოს ყველგან და ყველა სფეროში. ეს მე ვაჩვენე საზოგადოებას, რადგან საზოგადოება წუხს, როგორი ჟურნალისტები გვყავს ჩვენ დღეს. ჟურნალისტები გაბრაზდებით, ალბათ, რომ ნუ გვერჩითო. დღეს აღარ არის ასე. მე ვფიქრობ, რომ დღეს ყველაზე წარმატებული არის მთავრობა, _ აღნიშნა ჩვენთან საუბრისას ივანიშვილმა.

_ ბატონო ბიძინა თქვენ პირადად შეცდომა არ დაგიშვიათ?

_ ვინც ამბობს, რომ შეცდომა არ დაუშვია, ეს არის ყველაზე დიდი შეცდომა. თუ ვინმეს ჰგონია, რომ შეცდომას არ დაუშვებს, ის თავშივე მცდარია. ვინც საქმეს აკეთებს, მას შეეშლება. ჩვენ არ დაგვიშვია სერიოზული შეცდომები, სერიოზულ შეცდომებს ვერ ვიხსენებ, პატარ-პატარა შეცდომები იყო და ასეთი ბევრი შეიძლება, გავიხსენოთ.