ელიზა მიქაძე (ოჯახის ბებია): – ოჯახში 10 ადამიანი ვცხოვრობთ, რძალი და შვილიშვილები, გვაქვს ბევრი პრობლემა _ სახლი ნახევრად ჩამონგრეულია, არც მიწა გვაქვს ან რაიმე სხვა შემოსავალი. ხშირად შიათ ჩემს შვილიშვილებს, მაგრამ რა გავაკეთო? დახმარებით არავინ მეხმარება, ჩვენს 8 ბავშვს კი ყოველდღიური საკვები და ტანსაცმელი სჭირდება, რასაც მე და ჩემი რძალი ვერ ვუზრუნველყოფთ. ძალიან დიდი მადლობა იმისთვის, რომ ჩემი შვილიშვილები დღეს ხორციან კერძს შეჭამენ.
ნონა სადრაძე (“ახალგაზრდა პედაგოგთა კავშირის” ახალგაზრდული მიმართულების მენეჯერი): – ჩვენი ორგანიზაცია ყოველთვის აღნიშნავს ადამიანის უფლებებთან დაკავშირებულ საერთაშორისო დღეებს. ახალგაზრდების ინიციატივით დღეს ძალიან საინტერესო აქცია გაიმართა. ვესტუმრეთ სოციალურად დაუცველ ოჯახებს, შევუძინეთ პროდუქტები და მეზობლებისა და ახალგაზრდების ჩართულობით დამზადდა სადღესასწაულო სადილი. მიხარია, რომ, განსაკუთრებით ბავშვები არიან ბედნიერები.
ახალგაზრდული ცენტრის ლიდერებმა თემის წევრებთან ერთად ორ ოჯახში (მიქაძეების 10 სულიანი ოჯახი სოფელ მელექედურში, სალუქვაძეების 7 სულიანი ოჯახი სოფელ წითელმთაში) მოამზადეს სადილი.
