_ ეთო, როგორც ჩვენთვის გახდა ცნობილი “ქართული ოცნების” ერთ-ერთი მხარდამჭერი ტიტე ბაქანიძე რამდენიმე წუთის წინ თქვენთან იყო სახლში და გითხრათ, რომ რატომ გადაიღეთ ვიდეო.
_ მე უკვე მივაწოდე “ერთიან ნაციონალურ მოძრაობას” ოფისს ინფორმაცია.
_ არ შეგიძლიათ, რომ გვითხრათ, რა მოხდა?
_ არა. მირჩევნია თავი შევიკავოთ.
_ გვიდასტურებთ ტიტე ბაქანიძის მოსვლას ამ საღამოს თქვენს ოჯახში?
_ კი, გიდასტურებთ.
_ დავით ბაქრაძის გურიის საარჩევნო შტაბის ხელმძღვანელის პაატა მანჯგალაძის თქმით, ტიტე ბაქანიძე დაგემუქრათ…
_ არა, მუქარა არ ყოფილა. ბაქანიძემ მითხრა, რატომ გადამიღე ვიდეოო.
“გურია ნიუსი” ასევე დაუკავშირდა ტიტე ბაქანიძეს, რომელიც მოკლე კომენტარით შემოიფარგნა.
_ არანაირი ვიდეო არ მინახავს და რა უნდა გიპასუხოთ?!
_ თქვენ იმყოფებოდით ეთო კვაჭაძის ოჯახში?
_ არა, არ ვყოფილვარ მასთან და არანაირ კომენტარს არ გავაკეთებ, – გვითხრა ტიტე ბაქანიძემ.
რამდენიმე წუთის წინ, დავით ბაქრაძის საარჩევნო შტაბში საგანგებო განცხადება გაკეთდა. ადგილობრივი ნაცმოძრაობის სახეებმა, რატომღაც, შეხვედრაზე ადგილობრივი მედიის წარმომადგენლები არ მიიწვიეს.
მათ მიერ გავრცელებული ინფორმაციით, სოფელ ნატანების რწმუნებულის ამირან ბაქანიძის ძმამ, ტიტე ბაქანიძემ “ერთიანი ნაციონალური მოძრაობის” აქტივისტი, ეთო კვაჭაძე დაიბარა და უთხრა, რომ მას თბილისიდან მიაწოდეს კარდაკარის შედეგები, სადაც მისი ოჯახი დაფიქსირდა და რომ მის ოჯახს არ გამოუხატავს თავისი პოზიაცია. ბაქანიძემ განმარტა, რომ მას დავალებული აქვს იმ ხალხთან მუშაობა, ვინც პოზიციის გამოხატვისგან თავი შეიკავა. ასეთი კი ნატანებში სულ 90 ოჯახია.
