გორის პარკში, 14 წლის წინ გატაცებული ბავშვის ცხედრის სამძებრო სამუშაოები ამ დრომდე გრძელდება. გავრცელებული ინფორმაციით, ე.წ. ახალ ბაღში ყველა შესასვლელი ბლოკირებულია. ცოტა ხნის წინ ადგილზე ლევან სამხარაულის სახელობის ექსპერტიზის ბიუროს თანამშრომლებიც მივიდნენ.
გავრცელებული ინფორმაციით, ცხედრის ადგილსამყოფელი გატაცების საქმის ერთ-ერთმა ფიგურანტმა იაგო ნებიერიძემ მიუთითა. ადგილზე არიან გატაცებული ბავშვის ოჯახის წევრებიც, თუმცა ისინი მედიასთან კომენატრს შსს-გან ინფორმაციის დადასტურებამდე არ აკეთებენ.
იაგო ნებიერიძის სახაზინო ადვოკატი, მაია გრიგოლიშვილი, ამბობს, რომ მას გაუთქმელობის პირობა აქვს დადებული და საკითხის დეტალებთან დაკავშირებით ვერ ისაუბრეს.
შეგახსენებთ, რომ იაგო ნებიერიძე გორში 8 წლის გოგოს მკვლელობის ბრალდებით არის დაკავებული.
14 წლის წინ გაუჩინარებული ბავშვის შესახებ ინფორმაციამ ხელახლა 8 წლის ნანა ბერიაშვილის მკვლელობის შემდეგ გაიჟღერა. დაკარგული მოზარდის დედა ვარაუდობს, რომ საქმეში იაგო ნებიერიძე ფიგურირებს, თუმცა მას გამოძიებამ თავის დროზე ბრალი სხვა მუხლით წაუყენა.
