უკვე საუბრობენ, იმაზეც, თუ ვინ დაიკავებს ერთ-ერთი მოადგილის პოსტს და ეს სავარაუდოდ დიმიტრი კვერღელიძე იქნება. დავით დარჩიასა და დიმიტრი კვერღელიძის შორის ამ თემაზე მოლაპარაკებები უკვე შედგა. კვერღელიძე “გურია ნიუსთან” ამ ინფორმაციას არც უარყოფს და არც ადასტურებს. თუმცა, გუბერნატორის პოსტზე დარჩიას გარდა სხვა კანდიდატურას კატეგორიულად გამორიცხავს.
_ბატონო დიმიტრი, ჩვენ გვაქვს ინფორმაცია, რომ დავით დარჩიას გუბერნატორად გახდომის შემთხვევაში თქვენ გახდებით მისი ერთ-ერთი მოადგილე, რამდენად შეესაბამება ეს ინფორმაცია სიმართლეს და გქონდათ თუ არა მოლაპარაკება ამის შესახებ?
_ ჩვენს შორის საუბარი ყველა თემაზე იყო. ნურავის ნუ ექნება იმის სურვილი, რომ ოზურგეთში დააბრუნოს კლანური მმართველობა. გვაქვს, ინფორმაცია, რომ ვიღაც-ვიღაცეებმა წამოყვეს უკვე თავები, ტყუილად ამის იმედი ნურავის ნუ ექნება, ჩვენ ვუჭერთ “ქართული ოცნების” ლიდერს დავით დარჩიას მხარს გუბერნატორის პოსტზე. ვფიქრობ, მთავრობა კოალიციის ინტერესებს გაითვალისწინებს. დავით დარჩიამ მართლაც ღირსეულად იბრძოლა წინსაპარლამენტო არჩევნების წინ და ახლაც, რომ საბოლოოდ დამარცხებულიყო წინა ხელისუფლების კლანური მმართველობა, ამაში მას ლომის წვლილი აქვს მიღებული და იმ ხალხს, რომელიც აფინანსებდა “ნაციონალურ მოძრაობას” და დანაშაულებრივ ძალას, ახლა ტყუილად ნურაფრის იმედი ნუ ექნება, მე მინდა ვუთხრა მათ, რომ არაფრის შანსი არ აქვთ. ყველაფერი გვახოვს ჩვენ და ზურგეთელებს. რაც შეეხება ვიღაცეების დამსახურებას არჩევნებში, ეს არჩევნები მოიგო ქართველმა ხალხმა, რომელსაც კოორდინაცია გაუწია “ქართული ოცნების” შტაბმა, იმ დარბაზს აქვს იგივე წვლილი მიღებული, რაც თითოეულ ოზურგეთელს, არანაირად მეტი არაფერზე. ასე, რომ ნურავის ნუ აქვს ილუზია იმისა, რომ მხარდამჭერთა დარბაზიდან გახდეს ვინმე გუბერნატორი და დავით დარჩია კლანური მმართველობით ჩაანაცვლონ.
_ბატონო დიმიტრი, თქვენ ახსენებთ მარგველაშვილის მხარდამჭერთა დარბაზს და კლანურ მმართველობას, იქნებ უფრო დაგვიკონკრეტოთ ვის გულისხმობთ?
_თქვენ ჩემზე კარგად იცით რა ინფორმაციაც მუსირებს უკვე საზოგადოებაში, ამის დაკონკრეტება ჩემგან არ გჭირდებათ, მე გესაუბრებით ჯერ კულუარული ინფორმაციის დონეზე. რაც შეეხება სხვა კანდიდატურებს, რომელიც მე მესმის, რომ არის კულუარული ინფორმაცია, რომ ვითომდა მხარდამჭერთა დარბაზის ზოგიერთი წევრი, ასე ვთქვათ ლიდერები თითქოსდა სხვა ადამინს უჭერენ მხარს გუბერნატორის პოსტზე, რომლებიც აფინანსებდენ რამაზ ნიკოლაიშვილს, ასევე”ნაციონალურ მოძრაობას” და რა თქმა უნდა ჩვენ ამას მხარს არ დავუჭერთ.
_უფრო კონკრეტულად…
_სახელს და გვარს ვერ გეტყვით, იმიტომ რომ მე თვითონ დღეს გავიგე ამის შესახებ, რომ თითქოსდა დარბაზის ზოგიერთი წევრები მხარს უჭერებნე სხვა ადამიანს და სახელს და გვარს აუცილებლად გეტყვით პირველად თქვენ, როგორც კი გაჟღედება ოფიციალურად. მაშინ უფრო კონკრეტულად და მწარედაც ვიტყვი ამის შესახებ. მე დარწმუნებული ვარ საქართველოს მთვარობა მიიღებს ერთადერთ სწორ გადაწყვეტილებას.
_ბატონო დიმიტრი, ელოდებით თუ არა გუბერნატორის მოადგილედ დანიშვნას?
-რაც შეეხება ჩემს საკითხს, ჩვენ გუნდში გვქონდა ამ თემაზე საუბარი, ეს არის მთავრობის გადასაწყვეტი, თუ მე დამიძახებს მთავრობა და გუნდი, რომ ვითანამშრომლო მათთან, რა თქმა უნდა ერთი წამითაც უარს არ ვიტყვი, მე მზად ვარ ვემსახურო ხალხს და ხელისუფლებას. თუ ჩათვლის ხელისუფლება საჭიროდ და გაითვალისწინებს, იმას რომ მე “ნაციონალურ მოძრაობის” წინააღმდეგ დიდი წვლილი მიმიძღვის, ავიღებ პასუხისმგებლობას ჩავდგე ჩემი ხალხის სამსახურში.
