“2011 წლის 6 ივლისს მიითვისეს ჩემი რუსთავის მეტალურგიული ქარხანა. ჩვენ გადავწყვიტეთ საქართველოსა და საერთაშორისო კანონმდებლობისთვის, როგორმე მოგვერგო ამ დოკუმენტის გასაიდუმლოების პროცედურა. თუმცა ამაოდ. აღმოჩნდა, რომ ამ დოკუმენტს გრიფი უკანონოდ ადევს და გასაჯაროვების პროცედურასაც არ საჭიროებს. ერთ-ერთ ფაქტად ისიც შეიძლება დასახელდეს, რომ მასზე ხელს აწერს რუსეთის მოქალაქე ინა გუდავაძე. ამ და სხვა დარღვევების შეფასებამ ჩვენი იურისტები ერთ დასკვნამდე მიიყვანა _ 2011 წლის 6 ივლისს ხელშეკრულებაზე გრიფით “საიდუმლო” კანონდარღვევით დაედო. ახლადარჩეული პრეზიდენტის ინაუგურაციის შემდეგ, ჩვენ ვთხოვთ შესაბამის სახელმწიფო სტრუქტურებს გაასაჯაროვონ ეს დოკუმენტი.
გვაქვს გარკვეული ინფორმაცია ამ დოკუმენტის შინაარსზე. მაგრამ, რამდენადაც ეს კრიმინალური გარიგება “სახელმწიფო საიდუმლოების” დონეზე იყო აყვანილი, დეტალებს ვერ გავახმაურებთ. თუმცა, მინდა აღვნიშნო, რომ ამ გრიფით საიდუმლო ხელშეკრულებით მიხეილ სააკაშვილმა და ინა გუდავაძემ 2011 წელს გავლენა მოახდინეს უზენაეს სასამართლოში მიმდინარე ერთ-ერთ საქმეზე. მინდა დავიჯერო, რომ დღეს სასამართლო გათავისუფლებულია მსგავსი ზეწოლისგან და მისთვის მხოლოდ ერთ სიმართლე არსებობს – კანონი! ამიტომ არ დაუშვებს, რომ ვინმეს გავლენის ან შანტაჟის ქვეშ მოექცეს!” – განაცხადა კეიმ.
ჯოზეფ კეიმ “გურია ნიუსის” კითხვაზე, დააკონკრეტეთ მიხეილ სააკაშვილსა და ინა გუდავაძემ 2011 წელს, რომელ საქმეზე მოახდინეს გავლენა, განაცხადა”
_ რადგან ჩვენ ეს დოკუმენტი ხელთ არ გვაქვს, ჩვენ შეგვიძლია მარტო ვილაპარაკოთ იმაზე, რაც ჩვენ გვსმენია სხვადასხვა წყაროებიდან და აქედან გამომდინარე, გვაქვს საფუძვლიანი არა მარტო ეჭვი, არამედ მინიშნებები იმაზე, რომ ეს ზეგავლენა იყო 2011 წელს.
_ რამდენიმე ხნის წინ თქვენს სათავო ოფისთან აფეთქება მოხდა. რის შედეგად რამდენიმე ადამიანი დაშავდა და დაიღუპა. რა ვერსი გაქვთ ამასთან დაკავშირებით?
_ შემიძლია გითხრათ, რომ ერთ-ერთი მათგანი გულის ჯიბეში ატარებდა იმ შეუსაბამოებებს, რაც ახლა თქვენ გადმოგეცით. ანუ იმას, რომ არ შეიძლებოდა ამ დოკუმენტზე დადებულიყო გრიფით საიდუმლო. სამწუხაროდ, იქ კიდევ სხვა გარემოებები არსებობდა. ჯერ-ჯერობით მიმდინარეობს გამოძიება, როგორ მოხდა ამ ადამიანების მოკვლა.
_ ალბათ, თქვენ თავიდანვე იცოდით, რომ ინა გუდავაძესთან პრობლემები შეგექმნებოდათ.
_ რა თქმა უნდა, მე არ ვიცოდი, რომ რამე პრობლემები შემექმნებოდა ინა გუდავაძესთან.
_ ისინი თავიდანვე საუბრობდნენ, რომ ანდერძი იყო არაკანონიერი.
_ დოკუმენტი რომ გასაჯაროვდება, მე მგონი ანდერძის საკითხსაც აეხდება ფარდა.
_ ანუ, გრიფით საიდუმლო თუ მოეხსნება დოკუმენტს, თქვენს სიმართლეს დაამტკიცებთ?
_ კი. მე მგონია, რომ ჩემი სიმართლე ანდერძთან მიმართებაში გახდება ცხადი.
