სოფიკო დოლიძე, სუპერმარკეტის კონსულტანტი: საღამოს, მაღაზიას ვკეტავდი და გარედან საქონელი შემომქონდა. ამ დროს მომვარდა ორი ნიღბიანი ავტომატით, დანით და ფულს მთხოვდნენ. ჩემთან ერთად იყო ნათესავი, რომელიც მეხმარებოდა, ამოვიღე და რაც ნავაჭრი მქონდა მივეცით, 265 ლარის ოდენობით. ასევე წაიღეს დიდი რაოდენობით სიგარეტები.
_საღამოს 7 საათი არც ისე გვიანია, გარეთ არ იყვნენ სხვა მოქალაქეები?
_არა, არავინ იყო. მაღაზიები ირგვლივ დაკეტილი იყო უკვე. ძალიან შემეშენიდა, შუბლზე რომ ავტომატს მოგადებენ და გეტყვიან, ფული, თორემ მოგკლავო, რა უნდა მექნა? უსიტყვოდ მივეცი ეს თანხა და გაიქცნენ.
ოზურგეთის რაიონული პროკურატურის პროკურორი შოთა ჩხაიძე, “გურია ნიუსთან” აცხადებს, რომ გუშინ ქალაქის ცენტრში მომხდარი ყაჩაღობა ჯერ გაუხსენლია.
“2013 წლის 24 ნოემბერს, 18.30 წუთზე, სოფიკო დოლიძის მაღაზიაში შეიჭრა ორი ნიღბიანი პირი და გაიტაცეს ფულადი თანხა. აღნიშნულ ფაქტთან დაკავშირებით დაიწყო გამოძიება ს.ს.კ. 179-ე მუხლის 2 ნაწილის თანახმად , დამნაშავე პირების დასადგენად მიმდინარეობს ოპერატიულ -საგამოძიებო სამუშაოები.”
