აღსანიშნავია, რომ 2011 წელს, ჯანმრთელობისა და სოციალური დაცვის მინისტრი ალექსანდრე ურუშაძე იყო.
ცნობისთვის, ის, რომ საქართველოში ნახევარ მილიონ ადამიანს, განსაკუთრებით ბავშვებსა და დედებს, კვების დეფიციტი აქვთ, პარლამენტის ჯანმრთელობის დაცვისა და სოციალურ საკითხთა კომიტეტის სხდომაზე ითქვა, რომელიც ბავშვთა ზრუნვის პროგრამის მიმდინარეობას მიეძღვნა. როგორც გაეროს ბავშვთა ფონდის წარმომადგენელმა საშა გრაუმანმა კომიტეტის სხდომაზე აღნიშნა, ცუდი კვების გამო ყოველწლიურად 350-მდე ბავშვი იღუპება.
გაეროს ფონდის კომუნიკაციის პროგრამის ხელმძღვანელი მაია ქურციკიძე “გურია ნიუსთან” საუბრისას ამბობს, რომ 10 წლის განმავლობაში კვების დეფიციტმა ქვეყანას 1,3 მლრდ დოლარის ზარალი მიაყენა და საერთო ჯამში 4300 ახალშობილის სიცოცხლე იმსხვერპლა.
“კვლევა აღწერს კვების დარღვევასთან დაკავშირებული ეროვნული ზარალის მასშტაბს. აღსანიშნავია, რომ დედის ანემიის, მცირე წონის, ფოლიუმის მჟავის ნაკლებობასთან დაკავშირებული თანდაყოლილი ანომალიისა და არასაკმარისი ძუძუთი კვების გამო, ყოველწლიურად 5 წლამდე ასაკის 300 ბავშვი იღუპება. ასევე მნიშვნელოვანია კვების დეფიციტი, რომელიც ბავშვის ზრდაში ჩამორჩენას იწვევს. საკვები ელემენტების დეფიციტი ბავშვების განვითარებას ხელს უშლის, რის გამოც ქვეყანა პროდუქტიულ მუშახელს კარგავს. კვების დეფიციტში ჩვენ ვგულისხმობთ არა საკვების ქონა-არქონას, არამედ ადამიანის ორგანიზმისთვის აუცილებელი მიკროელემენტებისა და ვიტამინების ნაკლებობას, რაც ბავშვებსა და ქალებში ძალიან მძიმე შედეგის მომტანია. არსებობს რეკომენდაციები, რა უნდა გაკეთდეს კვების დეფიციტის ზიანის შესამცირებლად – მაგალითად, ვიტამინებით გაჯერებული საკვები დანამატი და პურის გამდიდრება რკინით”, _ აცხადებს ქურციკიძე.
თუმცა, აღსანიშნავია, რომ გაეროს ფონდის კომუნიკაციის პროგრამის ხელმძღვანელის თქმით, ეს კვლევა ჯერ კიდევ 2011 წელს ჩატარდა და მაშინ შედეგები ჯანდაცვის სამინისტროსთვის ცნობილი იყო, თუმცა სანამ აჭარაში ბავშვი არ დაიღუპა და შემდეგ, პარლამენტის ჯანდაცვის კმიტეტის სხდომაზე, ორგანიზაციის ხელმძღვანელმა ამაზე ხმამაღლა არ ისაუბრა, თემით ასეთ დაინტერესება არ ყოფილა.
“ეს არ არის ახალი კვლელვა, ეს ჩატარდა 2011 წელს და მაშინ შესაბამისი ორგანოები საქმის კურსში იყვნენ. თუმცა, ამაზე ყურადღება მას შემდეგ გამახვილდა, რაც პრობლემა მსხვერპლით დასრულდა. მედიამ კი თემა აიტაცა, რადგან ჩვენმა ხელმძღვანელმა პარლამენტში ჯადნაცვის კომიტეტზე ეს შედეგები წარმოადგინა.
აღსანიშნავია, რომ კვების დეფიციტში ჩვენ მოვიაზრებთ არა საჭმლის ქონას, არამედ ვიტამინებითა და მიკროელემენტებით გამდიდრებული საჭმლის არ არსებობა.
ჩვენ კონკრეტულად გვაქვს რეკომენდაციები, რომელსაც მთავრობას ვთავაზობთ და ამაზე ჯანდაცვის სამინსიტროსთა ერთად მიდის მუშაობა. ჩვენ ვთავაზობთ ისეთ საშუალებებს, რომელიც სახელწმიფოს ფქტობრივად არაფერი დაუჯდება, ეს ძალიან მცირე ხარჯებთანაა დაკავშირებული. ესაა ექსკლუზიური ძუძუთი კვება 6 თვის განმავლობაში, დანამატი საკვებზე, რომელიც საჭირო მიკროელემენტებსა და ვიტამინებს შეიცავს და იგი 6 თვის შემდეგ 18 თვის განმავლობაში უნდა მიეცეს ბავშვს. ეს სულ რაღაც 7 ლარი უჯდება სახელმწფიოს ბავშვზე. მესამე, ეს არის ფქვილის გამდიდრება ვიტამინებითა და რკინით”, _ განმარტავს “გურია ნიუსთან” საუბრისას ქურციკიძე.
პარლამენტის ჯანდაცვის კომიტეტის თავმჯდომარე დიმიტრი ხუნდაძე ყურადღებას დემოგრაფიულ პრობლემებზე ამახვილებს და აღნიშნავს, რომ ამასთან, კვლევის შედეგები პირდაპირ კავშირშია.
“საქართველოში უმძიმესი დემოგრაფიული პრობლემებია, რაც ბავშვთა პრობლემების მოგვარების გარეშე ვერ გადაიჭრება. სახელმწიფოს პრიორიტეტია ბავშვისთვის ოჯახთან მიახლოებული გარემოს შექმნა”, _ ამბობს ხუნდაძე.
აღსანიშნავია, ასევე იუნისეფის მიერ ჩატარებული კვლევის შედეგად დადგენილია, რომ საქართველოში 77 000 ბავშვი – 9,4% – უკიდურეს სიღარიბეში ცხოვრობს (ანუ დღეში 2 დოლარზე ნაკლებს მოიხმარს). ფარდობითი სიღარიბის მაჩვენებელი კი არის 205 ათასი ანუ 25% -ია.
ცნობისთის, მიმდინარე წელს პარლამენტმა მიიღო კანონი, რომელსაც სფუძვლად ჯანდაცვის მსოფლიო ორგანიზაციის რეკომენდაციებთან საქართველოს კანონმდებლობის შეუსაბამობა ედო, რომლის თანახმადაც დეკრეტული შვებულება 477-დან 730 კალენდარულ დღემდე იზრდება, ხოლო ანაზღაურების ოდენობა 600 ლარის ნაცვლად 1000 ლარი გახდება – ახალი კანონი ძალაში 2014 წლის 1 იანვრიდან შევა.
