“ჩვენ გაკვეთილი უნდა მივიღოთ იქიდან, რაც მოხდა უკრაინაში. უკრაინა რთული ქვეყანაა პოლიტიკური ლანჩაფის თვალსაზრისით, მაგრამ ბოლო გამოკვლევებით, იქ იზრდება იმ ადამიანების რაოდენობა, რომლებიც ევროინტეგრაციის მომხრეები არიან. ვილნიუსის სამიტს ბევრი უკრაინელი ესწრებოდა. სამოქალაქო სექტორის წარმომადგენლები წუხილს გამოთქვამდნენ ოპოზიციის სისუსტის გამო. როგორ განვითარდება მოვლენები საკმაოდ რთული სათქმელია, მაგრამ იანუკოვიჩის აგრესიული მოქმედებების შემდეგ კიდევ უფრო გაიზარდა საპროტესტო ტალღა და გაჩნდა ისეთი მძაფრი მოთხოვნები, როგორიცაა იანუკოვიჩის და მთლიანად მთავრობის გადადგომა”.
ტუღუში შეეხო ვილნიუსის სამიტის თემას და განაცხადა, რომ “შალახოს” თემაზე მნიშვნელოვანი მოვლენა მოხდა სამიტზე და სწორედ ამ თემებზე უნდა შეაჩეროს საზოგადოებამ ყურადღება.
“რა დოკუმენტის პარაფირებაც მოვახდინეთ ვილნიუსის სამიტზე, არის ძალიან მნიშვნელოვანი ნაბიჯი ევროინტეგრაციაში და საჭიროა ახლა ბოლომდე მივიყვანოთ დაწყებული საქმე. თუ ჩვენ გვინდა ვიცხოვროთ ცივილურ გარემოში, მაშინ უნდა ავირჩიოთ ევროპული სტანდარტები. ეკოლოგიური სტანდარტი იქნება ეს თუ კვების სტანდარტი, ეს ასარჩევი კი არ არის, ყველა ნორმალურ სახელმწიფოში აუცილებელი შესასრულებელია”.
“რეზონანსის” რედაქტორმა აღნიშნა, რომ რუსეთმა შესაძლოა ამ ერთი წლის განმავლობაში საქართველოში შექმნას ილუზია, თითქოს მისი მხრიდან არსებული პრობლემები მოგვარებადია.
“რა ბერკეტები შეიძლება გამოიყენოს რუსეთმა? რუსეთი მოლდოვაში და სომხეთში იყენებს ეკონომიკურ და ტერიტორიულ ბერკეტებს, თუ ანალოგს გავატარებთ, ამ მექანიზმის გამოყენება არ შეუძლია საქართველოში, რადგამ მან უკვე აღიარა დამოუკიდებელ სახელმწიფოებად აფხაზეთი და ოსეთი, თუმცა არის მოსაზრება, რომ ამ ერთი წლის განმავლობაში რუსეთი საქართველოში შექმნია ილუზიას, რომ ტერიტორიული პრობლემა მოგვარებადია, თუ შევცვლით პოზიციას და დავუბრუნდებით ჩვენს “დიდ მეგობარ” რუსეთს. მეორე ბერკეტი ეს არის ჩვენი შიდა პოლიტიკური საკითხი-შერჩევითი სამართალი, ამიტომ მთავრობას ეს ერთი წელი ძალიან სერიოზული და დაფიქრებული მუშაობა მოუწევს”.
ლაშა ტუღუში შეეხო ქალაქის მერის თემას და განაცხადა, რომ მერი, რომელიც ირჩევა ამა თუ იმ ქალაქში, სწორედ ამ ქალაქში უნდა იყოს დაბადებული.
“დიდ პატივს ვცემ ნარმანიას, მან საკმაოდ კარგად გაართვა თავი დაკისრებულ მოვალეობას, ნამდვილად კარგი მინისტრია, მაგრამ მიმაჩნია, რომ მაინც აუცილებელია, თუ იქნება სხვა კანდიდატურა მერის პოსტზე”.
