_ უკრაინაში მიმდინარე მშვიდობიან აქციებს ჩვენ სახელმწიფო გადატრიალების მცდელობად არ მივიჩნევთ და სამართალდამცავების მხრიდან შაბათ დილით განხორციელებულ ქმედებას ვაფასებთ, როგორც ძალადობას მშვიდობიანი დემონსტრანტების მიმართ. ჩვენამდე მოაღწია შემაშფოთებელმა ხმებმა იმის შესახებ, რომ სამართალდამცავები მიზანმიმართულად ახორციელებენ შეტევას ჟურნალისტების მიმართ. ჩვენ, ასევე, დაჟინებით მოვუწოდებთ უკრაინის მთავრობას პატივი სცეს და უზრუნველყოს მოქალაქეების შეკრების და ნების გამოხატვის საყოველთაო უფლებები. სწორედ ამ ფასეულობების დაცვაზე იქნება დამოკიდებული ამერიკისა და უკრაინის პარტნიორობა. აშშ მხარს უჭერს უკრაინელი ხალხის ნებას ევროპაში ინტეგრაციისკენ, _ განაცხადა ორშაბათის ტრადიციულ ბრიფინგზე აშშ-ს პრეზიდენტის პრეს მდივანმა, ჯეი კარნმა.
მომზადებულია itar-tass.com-ის მიხედვით
