მისი თქმით “პატრიოტთა ალიანსი” ქუთაისი ახალი მერის შოთა მურღულიას დაკვეთას ასრულებს და მალე საკრებულოს უმრავლესობა ალბათ “მურღულია დემოკრატები” იქნებიან აღნიშნავს გოქაძე. მისივე თქმით, “საქართველოს პატრიოტთა ალიანსის ” ლიდერმა გოჩა თევდორაძემ ყველაფერი მიიღო რაც უნდოდა და ახლა უკვე “ქართული ოცნების” დაკვეთებს ასრულებს. გოქაძე ამბობს, რომ მისი ინფორმაციით “საქართველოს პატრიოტთა ალიანისი” უკვე რამდენიმე დეპუტატმა დატოვა.
“როგორც გავრცელდა ინფორმაცია არვიცი დადასტურდება თუ არა, “პატრიოტთა ალიანსი” შექმნის ახალ უმრავლესობას. ეს უმრავლესობა სჭირდება ქალქის მერს. შეიქმნება ახალი ფრაქცია “მურღულია დემოკრტები”, სახელწოდებას გადატანითი მნიშვნელობით ვგულისხმობ. რაც უნდოდა “ქართულ ოცნებას” იმას უკეთებდა “პატრიოტთა ალიანსი”. გოჩა თევდორაძე კი ასრულებს იმ თამაშს რაც დაუკვეთა ოცნებამ. ყველა უბედურება, რაც ქუთასში ხდება “პატრიოტთა ალიანსის” და “ქართული ოცნების” დამსახურებაა”, _ განაცხადა ფრაქცია ნაცმოძრაობის წევრმა გია გოქაძემ.
სხვა ინფორმაციას ავრცელებს მედია-კავშირ “ობიექტივის” ხელმძღვანელი ირმა ინაშვილი, რომელიც საკუთარი FACEBOOK-ის გვერდზე წერს რომ “საქართველოს პატრიოტთა ალიანსის” წევრებს იმერეთის რეგიონის უშიშროების სამსახურის ხელმძღვანელი ზაზა მეფარიშვილი და პრემიერის მრჩეველი თვითმმართველობის საკითხებში ირაკლი მელაშვილი იბარებენ და მათ ფრაქციის დატოვებას სთხოვენ
“საზოგადოებას ვუზიარებ ჩემს გულისტკივილს და გაოცებას: სამი დღის მანძილზე ბატონი ზაზა მეფარიშვილი (იმერეთის რეგიონის უშიშროების სამსახურის ხელმძღვანელი) და ბატონი ირაკლი მელაშვილი (რომელიც პრემიერის მრჩეველია და რეგიონებს კურირებს) იბარებენ ქუთაისის საკრებულოს წევრებს. აშინებენ, ემუქრებიან და აიძულებენ,- დატოვონ ფრაქცია “საქართველოს პატრიოტთა ალიანსი”, _ წერს ინაშვილი.
“გურია ნიუსი” დაინეტერსდა, ფლობდა თუ არა ქალაქის მერის მოვალეობის შემსრულებელი აღნიშნულ ინფორმაციას და რა პოზიცია ჰქონდა. მურღულიამ აღნიშნა, რომ თუ ქუთაისში რამე მსგავის ხდება ის ემიჯნება ამ პროცესებს, რადგან ქალაქის მერს აღსრულება აბარია და მის კომპეტენციაში საკრებულოში განვოთარებული მოვლენები, ასევე პარტიული ცვალებადობები არ შედის.
“მე ვარ მერის მოვალეობის შემსრულებელი, მაბარია იმ პროგრამებისა და იმ დავალებებისა აღსრულება, რაც კანონით მაქვს გაწერილი. შესაბამისად მე არ ვერევი და არც უფლება მაქვს რომ ვინემს ვუთხრა, საით იყოს რომელ მხარეს. ეს მისი არჩევანია, დაიშლება თუ არ დაიშლება. მერის მოვალეობის შემსრულებელი ამაში ჩარეული არ არის და არც უნდა იყოს. არიან პოლიტიკოსები და თავისი პოლტიკური ინტუიციიდან გამომდინარე რას როგორ გააკეთებენ მათი გადასაწყვეტია. ჩვენ არაერთხელ გვინახავს, რომ ამ ქალაქში არის რაღაც ერთი პარტიიდან მეორეში გადასვლა, გადმოსვლა ამიტომ თუ რაიმე მსგავსი ხდება მე საერთოდ ამ პროცესებთან შეხება არ მაქვს”, _ განაცხადა მურღულიამ.
