ორგანიზაციის საინიციატივო ჯგუფის წევრი ზვიად ლამაზაშვილი აცხადებს, რომ “რესპუბლიკური პარტია” ცდილობს საქართველოს დაყოფას და “ახალგაზრდული ორგანიზაცია” სწორედ ამიტომ გადაინაცვლებს პარტიის ოფისთან საპროტესტო აქციით. მან ხაზი გაუსვა და აღშფოთება გამოთქვა სომხური დიასპორის განცხადებაზე და აღნიშნა, რომ ამ განცხადებით დიასპორის წარმომადგენლებმა შეურაცხყოფა მიაყენეს დედა-ეკლესიას და მთელ ქართველ ხალხს.
ზვიად ლამაზაშვილი: მინდა ხაზი გავუსვა სომხური დიასპორის განცხადებას, რომელმაც პატრიარქის განცხადებას უწოდა უაზრო, უგუნური, ამ განცახებით მათ თქვეს, რომ პატრიარქს და საპატრიარქოს უნდათ საქართველო დაბრუნდეს ბნელ 90-იან წლებში. ეს არის სრული აბსურდი და ყველა ქართველის აღშფოთებას იწვევს. სომხურ დიასპორას არანაირი მორალური უფლება არ გააჩნია აკეთოს მსგავგი განცხადებები
_ აქციას “რესპუბლიკური პარტიის” ოფისთან რატომ მართავთ?
_ “რესპუბლიკური პარტია”, რომელიც იყო აბსოლუტურად ურეიტინგო, არასოდეს ყოფილა პარლამენტში, ახლა, ცდილობს ყველა ღონე გამოიყენოს და დაგლიჯოს საქართველო ნაწილებად. ისინი ცდილობენ ეს დროებით ხელში ჩაგდებული ძალაუფლება შეინარჩუნონ და გამოიყენონ არა ქვეყნის და ხალხის საკეთილდღეოდ, არამედ საზიანოდ. ყველაზე მეტად ისინი აქტიურობენ და ცდილობენ ამ კანონის გატანას.
_ მაინც რა არის აქციის მთავარი მიზანი, რას ითხოვთ?
_ ჩვენ პირველ რიგში ვითხოვთ პარლამენტმა არ მიიღოს ეს კანონი, ვითხოვთ სომხური დიასპორისგან ბოდიშის მოხდას პატრიარქის და ქართველი ხალხის წინაშე, ბოდიშის მოხდას ვითხოვთ პოლიტიკოსებისგანაც, ვინც შეურაცხყოფა მიაყენა პატრიარქს და დედა-ეკლესიას, ამ ბოლო პერიოდში სულ საუბარია უმცირესობის უფლებების დაცვაზე, ამ დროს კი უმრავლესობის უფლებები იბღალება, თუ ჩვენი აზრი გამოვხატეთ, ვართ ექსტრემისტები და მოძალადეები. ამ აქციით ჩვენ ვაფრთხილებთ ყველა იმ ადამიანს, რომელიც მიდის ქართველი ხალხის ინტერესების წინააღმდეგ და ვეუბნებით-თუ ომი უნდათ, ამ ომს მიიღებენ!
_ რა ომზეა ლაპარაკი და ვის მიიჩნევთ მტრად?
_ მნიშვნელობა არ აქვს რა სახელი ერქმევა მტერს, ვგულისმობთ ყველა იმათ, ვინც მიდის ქართველი ხალხის ინტერესების წინააღმდეგ, ვინც შეურაცხყოფას აყენებს დედა-ეკლესიას და ცდილობს საქართველოს დაშლას.
ლელა არდაზაშვილი(საინიციატივო ჯგუფის წევრი)- ჩვენ მხოლოდ “რესპუბლიკურ პარტიას” არ ვთხოვთ პასუხს, პასუხისმგებლობას ვაკისრებთ “ქართული ოცნების” მმართველ ჯგუფს, რადგან ისინი არ ეწინააღმდეგებიან მათ გადაწყვეტილებებს და მეტიც, მხარს უჭერენ. მინდა ყველას შევახსენო საპატრიარქოს წინ მამათმავლების მოწყობილი აქცია, როცა ისინი ამბობდნენ, რომ უნდა მოხდეს საპატრიარქოს დეცინფექცია და გაწმენდა. ეს არის გამაღიზიანებელი ქართველი ერის დიდი ნაწილისთვის და თუ ხელისუფლება ამას არ აღკვეთავს, ხელს შეუწყობს დაპირისპირებას. ასეთი კატეგორიის ადამიანების ხსენება მართლმადიდებლურ ეკლესიაში არც კი შეიძლება და როდესაც ხალხის მიერ ბოლო იმედებმინდობილი ხელისუფლება კიდევ გვიცრუებს იმედს, ეს ძალიან ცუდია, მოცდის დრო აღარ გვაქვს და აღარც იმედი იმისა, რომ მთავრობა აღკვეთავს ამ უმსგავსობას. ქართველ ერს აქვს თავისი ღირსება და არაფერი არ გამოუვათ არც “რესპუბლიკური პარტიის” და არც სხვა ძალების წარმომადგენლებს. თუ საჭირო გახდება მთელი ხალხი დადგება ფეხზე.
ლელა არდაზაშვილი აცხადებს, რომ ახალგაზრდები აქციის შემდეგ აძლევენ ათ დღიან ვადას სომხურ დიასპორას ბოდიშის მოსახდელად, ხელისუფლებას, რათა გამოიწვიონ თვითმმართველობის კანონპროექტი პარლამენტიდან და შეწყვიტონ ქართველი ერის დაშლა-დანაწევრების მზაკვრული გეგმის განხორციელება.
“თუ არ შეწყდება ამ პროექტის განხილვა, თუ არ შეწყდება გარყვნილების პროპაგანდა, ჩვენ ჩავთვლით, რომ ახალი ხელისუფლება არის ნაციონალების გამგრძელებლები და დავუპირისპირდებით მთელი ერი. არ ვაპირებთ უსამართლობის მოთმენას. კიდევ კარგი, რომ გულანთებული ქართველი მართლმადიდებლები საქართველოში მრავლად არიან”.
