“პრინციპული საკითხი რაც იყო მეშვიდე თავთან დაკავშირებით, რომ საჯარო სამართლის იურიდიული პირები შექმნილიყო, აღარ იქმნება და ეს რეგიონალური მოწყობა პრაქტიკულად გაჩერებულია. თუმცა, მთავრობის მხრიდან გრძელვადიანი ხედვა რას უპირებს გუბერნატორების ინსტიტუტს, ჯერ-ჯერობით არ ჩანს, რაც ძალიან ცუდია. მთავარია კარგად გავარკვიოთ, რას უპირებენ რეგიონს, დღევანდელი გაგებით და რას უპირებენ იმ ინსტიტუტს, რასაც ქვია გუბერნატორის ინსტიტუტი. წარმოდგენა ამაზე მთავრობაში სამწუხაროდ ჯერჯერობით არ აქვთ. აგრძელებენ იმ ტრადიციას, რაც იყო აქამდე, შევარდნაძის და სააკაშვილის დროს. მეორე უმთავრესი პრობლემა, ეს არის ქალაქების გამოყოფა მუნიციპალიტეტებიდან. პრობლემა ის არის, რომ არჩევნებადმე დარჩა 6 თვე და თელავში გორში ან ზუგდიდის, რომელიმე სოფელში მცხოვრებ ადამიანს, რომ უნდოდეს არჩევნებში მონაწილეობა არ იცის ამ ადამიანმა როგორ, რანაირად და სად მიიღებს არჩევნებში მონაწილეობას. არის კიდევ ერთი გაუგებარი მდგომარეობა, რომ მაგალითად ჭიათურას, სამტრედიას, ხაშურს და კიდე იმ ქალაქებს, რომელიც იყო ჩამონათვალში, ეუბნებიან, რომ ეს აღარ იქნება თვითმმართველი ქალაქები, მაგრამ თვითმმართველი ქალაქი იქნება: ამბროლაური, რომელიც არის ათჯერ პატარა, ვიდრე ჭიათურა. სრული გაუგებრობაა. არის პოლიტიკური გადაწყვეტილებები, მაგრამ არ არის ეკონომიკური გადაწყვეტილებები. რაც ქვეყანას ნამდვილად არ გამოადგება”, _ განაცხადა ვეფხვაძემ.
თვითმმართველობის კოდექსს, ასევე იწუნებენ და უკან გადადგმულ ნაბიჯად აფასებენ არასამთავრობო ორგანიზაციები. მათ სპეციალური მიმართვაც შეიმუშავეს, რომელშიც ასევე საზოგადოების მოთხოვნებიცაა წამოყენებული. არასამთვარობო ორგანიზაციების წარმოამდგენელთა აზრით, კოდექსი შეზღუდავს თვითმმარველი ქალაქების ჩამოყალიბების პროცესს.
“კოდექსიდან ძირითადი სიახლეების ამოღება მოხდა. რასაც არასამთავრობო ორგანიზაცების აზრით ვინც ხელს აწერს ამ მიმართვას, შეზღუდავს თვითმმართველო ქალაქების ჩამოყალიბების პროცესს. თბილსისის მოსახლეობა ვერ შეძლებს, უკვე საუბნო საბჭოების არჩევას და საკუთარი უბნის პრობლემების გადაწყვეტას ადგილზე. ასევე სოფლებში და სხვა დასახლებულ პუნქტებში აღარ შეიქმნება საზოგადოებრივი საბჭოები, რომლებიც განიხილებოდა, როგორც საზოგადოების აქტიური მონაწილეობის მექანიზმი, გადაწყვეტილებების მიღების პროცესში. ეს ცვლილებები ჩვენ მიგვაჩნია რომ სერიოზულად უკან გადადგმული ნაბიჯია და ფაქტიურად “ქართული ოცნების” და ბიძინა ივანიშვილის დაპირებების უარყოფა. ამ გარიგების შედეგად პოლიტიკურ სუბიექტებს შორის, ხალხი კარგავს იმას რისი მოლოდინიც ქონდა, მმართველო კოალიცისგან”, _ აცხადებენ, არასამთავრობო ორგანიზაციების წარმოადგენლები.
შეგახსენებთ რომ, დღეს პარლამენტში “თვითმმართველობის კოდექსის” ბოლო საკომიტეტო მოსმენა მიმდინარეობს, რომელსაც არასაპარლამენტო ოპოზიცია და არასამთავრობო ორგანიზაციებიც ესწრებიან. კოდექსი პირველი მოსმენით პლენარულ სესიაზე ხვალ გავა.
