“ქმნიან უამრავ კომისიებს, ეს პროცესი ძალიან ჰგავს საბჭოური მენეჯმენტის მოდელს, როცა უამრავი საბჭო იქმნებოდა და საკითხი გადაუწყვეტელი რჩებოდა. ახლაც ასეა. რომ დააკვირდეთ, ნახავთ-ყველაზე მეტი კომისიის თავმჯდომარედ ნარმანიაა დასახელებული. დვანში პრობლემების დროს, კომისია შევქმენითო, ნარმანიამ განაცხადა და პრობლემების გადაჭრის გზებზე ვმსჯელობთო. სანამ ისინი მსჯელობდნენ, თბილისის მერია ჩავიდა, დახმარებაც ჩაიტანა, ბლოკებიც, ვაშლიც ჩაიბარა. მთავრობას ავიწყდება, რომ მთავარია დრო! კარგია უსახლკაროთა კარვები რომ გაკეთდა, მაგრამ დაგვიანებულია. გვყავს ხელისუფლება, რომელმაც არ იცის მენეჯმენტი”.
ვაშაძემ წულუკიანის მიმართ საყვედური გამოთქვა და განაცხადა, რომ იუსტიციის მინისტრმა შეაჩერა ყველა ძველი პროექტი და არც ახალი დაიწყო.
“წულიკიანმა ვერ შექმნა ვერც ერთი ახალი პროექტი და გაკეთებული საქმეების მიმართაც ნეგატიურად არის განწყობილი. ხომ შეიძლება გაგრძელდეს, თუნდაც სოფლის სახლების პროექტი, რომელიც ხალხისთვის იყო და საკმაოდ წარმატებულად მიმდინარეობა, რატომ უნდა შექმნას ამ სფეროში პრობლემები, მაგრამ ამ ადამიანმა ფაქტიურად ჩამოშალა მთელი სისტემა”.
უმცირესობის წარმომადგენელი პარლამენტის ქუთაისიდან გადმოტანის საკითხსაც შეეხო და განაცხადა, რომ პარლამენტი ქუთაისში უნდა დარჩეს.
“პარლამენტის ქუთაისში გადატანით განვითარდა რეგიონიც და ქუთაისიც, მას შემდეგ კი, რაც ეს თემა ამ მთავრობის ყბადაღებულ საკითხად იქცა, ბევრმა ინვესტორმა შეაჩერა პროექტები. იქ უნდა აშენებულიყო ორი ხუთ ვარსკვლავიანი სასტუმრო, ბიზნეს-ცენტრი, მაგრამ ყველა პროექტი შეჩერდა. დროა მთავრობამ გამოაცხადოს, რომ პარლამენტი რჩება ქუთაისში”.
გიორგი ვაშაძის თქმით ,კარგია კრიზისების მართვის დროებითი შტაბის შექმნა და მუდმივმოქმედად გადაკეთება, მაგრამ ამ ეტაპზე ხელისუფლებამ უუნარობა გამოიჩინა კრიზისთან ბრძოლაში. მისი თქმით უჩვეულო არაფერი ხდება, უბრალოდ მთავრობამ არ იცის როგორ გაუმკლავდეს პრობლემებს დროულად.
“ზამთარია და თოვლი მოდის. უნდა გქონდეს მარილი და გზებზე დროულად დაყარო. უნდა იყო მობილიზებული და იცოდე დროის გათვლა. ერთადერთი მინისტრია კახი კალაძე, რომელმაც არ ჩამოშალა სისტემა და აგრძელებს პროექტების განხორციელებას, რაც არა ერთხელ აღმინიშნავს, მაგრამ ამ მომენტში მანაც უუნარობა გამოიჩინა, ამდენ ხანს ელექტროენერგიის მიწოდების პრობლემა მთლიანად უნდა ყოფილიყო აღმოფხვრილი”.
