“ნურავის დაავიწყდება, რომ ერთი წლის განმავლობაში ევროკავშირის სპეციალური წარმომადგენელი ადამიანის უფლებების დაცვის კუთხით თომას ჰამერგელი აკვირდებოდა პროცესებს და მის მიერ გამოქვეყნებულ დასკვნაში არც ერთი ზეწოლის ფაქტი არ დევს. თუ ევროკავშირის მონიტორინგის არ სჯერათ, მაშინ ვიღა მოვნახოთ, რომ დაუჯერონ? “ნაციონალები” ცდილობენ დადგან უნიჭო სპექტაკლი და ყველა ღონეს ხმარობენ, რომ მერაბიშვილი პოლიტ-პატიმრად გამოიყვანონ, როლებიც განაწილებული აქვთ, თუ ვინ რომელი ტელევიზიის ეთერით გამოვა და ატეხავს აჟიოტაჟს”.
ცაგარეიშვილს უჩნდება კითხვა – თუ მერაბიშვილზე ზეწოლა მოხდა პარასკევს ღამე, მაშინ რატომ არ გახმაურდა ეს ამბავი სამშაბათ დილამდე? დეპუტატი თავისსავე კითხვაზე პასუხს მხოლოდ დადგმულ სპექტაკლში ხედავს.
“მერაბიშვილის, როგორც პატიმრის ყველა უფლება დაცულია. მას შეეძლო ეს ფაქტი სახალხო დამცველის წარმომადგენლებისთვის ეთქვა, თავისი ადვოკატების საშუალებით გაევრცელებინა ეს ამბავი, მაგრამ მან მოიცადა რამდენიმე დღე და სასამართლო დარბაზი გამოიყენა ტრიბუნად. აი, სწორედ ამ დღეების მანძილზე დაწერეს სცენარი და უკვე ქუთაისში მერაბიშვილმა ითამაშა ერთი მსახიობის სპექტაკლი”.
უმრავლესობის წარმომადგენილი დაუშვებლად მიიჩნევს ამ საკითხის გამო პარლამენტში საგამოძიებო კომისიის შექმნას, რადგან ამით უნდობლობა გამოეცხადება სამართალდამცავ ორგანოებს.
“იყო ისეთი საქმეები, რომელთა გარშემო ვითხოვდით საგამოძიებო კომისიების შექმნას, იგივე გვირგვლიანის, ვაზაგაშვილის მკვლელობებზე, გელაშვილის ცემის პაქტზე, მაგრამ არც ერთ შემთხვევაში ესკომისიები არ შექმნილა და ახლა რა, მერაბიშვილმა ჩამოგვძახა და ჩვენც კი ბატონოო, უნდა ავძახოთ? რატომ უნდა გახდეს ეს თემა ასეთი დიდი ყურადღების ღირსი, როცა ქვეყანაში მართლაც მნიშვნელოვანი პრობლემებია გადასაწყვეტი”.
ცაგარეიშვილმა კომენტარი გააკეთა “ნაციონალური მოძრაობის” ე.წ. მატროსოვის ციხესთან მორიგეობის თაობაზე და აღნიშნა, რომ ეს მათი უფლებაა.
“იმორიგეონ და დააკვირდნენ ციხის კედლებს. მათ არ უნდათ გაიგონ, რომ პატიმრების ციხიდან გაყვანა, ცემა, ზეწოლა მათთან ერთად ჩაბარდა შავ-ბნელ წარსულს. მორიგეობით კანონს არ არღვევენ, სადაც უნდა ღამე იქ გაათენონ”.
დეპუტატი დღეს თბილისის მერის პროკურატურაში დაბარების ფაქტსაც შეეხო და განაცხადა, რომ არც მერი, არც პრემიერი და სხვა მაღარჩინოსანი არ სარგებლობს განსაკუთრებული უფლებით და უგულავას დაკითხვაზე დაბარება არ არის კანონის დარღვევა.
“უგულავა არის ხაზინის ქურდი. მან 48 მილიონი ლარი ამოაცალა ყველა თვილისელს ჯიბიდან, პროკურატურას რახან აქვს კითხვები, უნდა დაუსვას კიდეც მას. ამიტომ ვერაფერს განსაკუთრებულს ვერ ვხედავ პროკურატურის ამ საქციელში. ნამდვილად არ ღირს ასეთი აჟიოტაჟის ატეხვა. კიდევ ერთხელ ვიმეორებ-უგულავა ხაზინის ქურდია, მერაბიშვილმა კი ერთი მსახიობის სპექტაკლი ითამაშა. კანონი ყველასთვის კანონია”.
ცნობისთვის, ე.წ. “მატროსოვის” ციხესთან მთელი ღამის განმავლობაში შეკრებილები იყვნენ “ნაციონაური მოძრაობის” წევრები. იქ იყო დეპუტატი სერგო რატიანი და პარტიის სხვა აქტივისტები. მოძრაობის წევრები აცხადებენ, რომ მორიგეობა გაგრძელდება, რათა აღარ განმეორდეს მერაბიშვილის ციხიდან გაყვანა და მასზე ზეწოლა.
