“ნაციონალების” განცხადება არაადეკვატურია, რას ნიშნავს საგანგებო რეჟიმზე გადადიან? პარტია ისედაც საგანგებო რეჟიმში მუშაობს. არანაირი პოლიტიკური დევნა უგულავას მიმართ არ ხორციელდება, მეტიც, მთავრობამ საკმაოდ დააგვიანა მისი საქმეებისთვის პასუხისმგებლობის საკითხის დაყენება. უგულავა პოლიტიკაში 2003 წელს მოვიდა და მერობის დროს საკმაოდ დიდი ქონება დააგროვა. გამცეს პასუხი არასამთავრობო ორგანიზაციებმა ვაშაძესთან და ნადირაშვილთან ერთად საიდან და როგორ დააგროვა ქალაქის მერმა ასეთი დიდი ქონება? ასევე მოვუწოდებ ხელისუფლებას საფუძვლიანად იქნეს შესწავლილი ყველა საეჭვო საქმე, რომელიც ეხება რიყის ეპიზოდს, თბილსერვისის საქმეს”.
ვაჩნაძის შეხედულებით, სასამართლო უგულავასთან მიმართებაში ჰუმანურად მოიქცა, რადგან წინა წლებში უფრო მსუბუქ ბრალდებებზე აღმკვეთ ღონისძიებად პატიმრობას აფარდებდნენ. უფლებადამცველმა “ნაციონალურ მოძრაობას” ურჩია ისტერიის დაოკება და ახალი მთავრობის საჩუქრის ჯეროვნად აღქმა.
“მინდა ვითხრა ნაციონალებს, თავი დაანებონ ისტერიას და ჯეროვნად აღიქვან მთავრობის საჩუქარი-კოჰაბიტაცია. არ აერიოთ კოჰაბიტაცია დაუსჯელობის სინდრომში. თუ ეს ხელისუფლება არ დასჯის ყველა იმ პირს, რომელმაც საზოგადოების და ქვეყნის წინაშე დანაშაული ჩაიდინა, მაშინ საზოგადოება ამოიღებს ხმას, არც ქუჩის აქციებზე დაიხევს უკან და ხალხი თვითონ აადგენს სამართლიანობას. თანამდებობა არ უნდა გახდეს დაუსჯელობის გარანტი”.
