ნიკა მემანიშვილი: ერეკლე გურაბანიძე უკვე დიდი ხანია ითხოვს გარდაცვლილი არასრულწლოვანი პატიმრის, გოგა ძველაიას საქმეზე დაიკითხოს, მაგრამ არანაირი რეაგირება არ არის. ის იმისთვის, რომ განერიდებინათ ქუთაისის #2 საპყრობილედან 12 დეკემბერს გადმოიყვანეს რუსთავის #6 საპყრობილეში და საშინელ პირობრბში იმყოფება. გურაბანიძის თქმით გოგა ძველაია ციხის უფროსის მოადგილემ შმაგი ბანძელაძემ სპეციალურად მოათავსა იმ სართულზე, სადაც ძველაიას ადრე ჰქონდა ერთ-ერთ მაყურებელთან პრობლემები. ძველაიას განცხადებით კი თუ ის ამ დაწესებულებაში მოხვდებოდა ცოცხალი ვერ გამოვიდოდა. მისი ამ სართულზე განთავსება არც შეიძლებოდა, რადგან იქ იყვნენ სრულწლოვანი და მისჯილი პატიმრები. ერეკლე გურაბანიძის დაკითხვამ შესაძლოა თავდაყირა დააყენოს გამოძიების შედეგები. აღსანიშნავია ის, რომ მასზე ხორციელდება ზეწოლა და ეუბნებიან, რომ თუ ჩვენებას მისცემს დაუმატებენ ციხეში ყოფნის ვადას. გურაბანიძე 3 თებერვალს უნდა გამოვიდეს ციხიდან.
ჩვენ მოვითხოვთ დაუყოვნებლივ დააბრუნონ ერეკლე გურაბანიძე ქუთაისის #2 საპყრობილეში და დაიწყოს გოგა ძველაიას საქმეზე ხელახალი გამოძიება.
ალექსანდრე კობაიძე(ახალგაზრდა უფლებადამცველთა ასოციაცია): მოვუწოდებთ ძალოვან სტრუქტურებს დაინტერესდნენ ამ ფაქტით. აქ იკვეთება კონკრეტული პირების მიერ უფლებამოსილების გადამეტება. ასევე მოვუწოდებთ სასჯელაღსრულების სამინისტროს უზრუნველყოს ერეკლე გურაბანიძის დაცვა. ის ერთადერთი რეალური მოწმეა, რომლის თავლწინ მოხდა ყველაფერი. იმედი გვაქვს გამოძიება არ დააყოვნებს და გურაბანიძე იქნება დაკითხული. ჩვენ ამ საქმეს ბლომდე მივიყვანთ და იმედს ვიტოვებთ, რომ გამოძიება ყველაფერს გააკეთებს იმისთვის, რომ სიმართლე იქნეს გარკვეული.
ლიკა ბიწაძე(საერთაშორისო იურიდიული ბიურო. ელ-ბი-სი ჯგუფი): მე თავად ვიყავი შესული ერეკლე გურაბანიძესთან და ვესაუბრე მას. ის საშინელ პირობრბში იმყოფება. მასზე ხორციელდება ზეწოლა. გურაბანიძე აცხადებს, რომ პირადად შმაგი ბანძელაძეს და ციხის კონტროლიორს ავთანდილ ბოჭორიშვილს მიუძღვის ბრალი გოგა ძველაიას სიკვდილში. ბანძელაძემ არასრულწლოვანი პატიმარი გადაიყვანა C4 კორპუსში და როგორც გურაბანიძე ამბობს, რაც იქ ხდება, ვერც ერთი ნორმალურ ჭკუაზე მყოფი ადამიანი ვერ გაუძლებს. მსჯავრდებულმა თავისი ყურით გაიგონა, როგორ თქვა ბოჭორიშვილმა-“ძველაიას სიკვდილში ჩვენც მიგვიძღვის ბრალი”-ო.
მივმართავთ გამოძიებას-დაიკითხოს ერეკლე გურაბანიძე და არ ჰქონდეს მასზე კიდევ რაიმე ზეწოლას ადგილი, წინააღმდეგ შემთხვევაში მივმართავთ სათანადო ზომებს.
როგორც ახალგაზრდა უფლებადამცველთა ასოციაციის წევრები და გურაბანიძის ადვოკატი აცხადებენ, 12 დეკემბრის შემდეგ პატიმარს არ ეძლევა მშობლებთან შეხვედრის უფლება.
