1998 წელი – მიშა სააკაშვილი საქართველოს პარლამენტის წევრი და ფრაქცია “მოქალაქეთა კავშირის” თავმჯდომარეა. დეკლარაციის მიხედვით ოჯახი ფლობს სანდრა რულოვსის სახელზე რეგისტრირებულ 79 000 ლარად ღირებულ ბინას საბურთალოზე და 2600 ლარად შეფასებულ “ჰონდას”. მიშას ნიუ-იორკის სითი ბანკში 200 დოლარის დანაზოგი აქვს, ნიდერლანდების კონსულის თანაშემწე სანდრა კი “თიბისი”-ში 1900 ლარს ინახავს. ოჯახის საკუთრებაში არსებული მოძრავი ნივთები 10 ათას ლარზე ნაკლებადაა შეფასებული.
1999 წელი – სააკაშვილის დეკლარაციაში ჩნდება ბინა ახალშენის ქუჩაზე, რომლის ღირებულებაც 85 ათასი ლარია. სავარაუდოდ, ეს წინა წლის დეკლარაციაში მითითებული საბურთალოს ბინაა, უბრალოდ მაშინ მიშას ზუსტი მისამართის მითითება დაავიწყდა. ამ წელს ოჯახი 3500 ლარად ღირებულ “ნივას” ყიდულობს.
1999 წელს სააკაშვილს მეორე დეკლარაციაც შეუვსია, რომელშიც მითითებულია ანაბარი სტრასბურგის ბანკში 1000 ფრანკის ოდენობით და სანდრა რულოვსის 2500 ლარი “თიბისი”-ში. მიშა სააკაშვილის ხელფასი 450 ლარია, სანდრას ხელფასი კი 7-ჯერ აღემატება ქმრისას.
2000 წლის დეკლარაციაშიც მითითებულია ბინა, რომლის ფასიც 100 000 ლარია. ირკვევა, რომ პარლამენტის წევრმა სააკაშვილმა 1999 წლის 1 აპრილიდან 2000 წლის 1 აპრილამდე 5230 ლარი მიიღო. 2000 წელს მიშას მეორე დეკლარაციაც აქვს შევსებული, ის ამ დროს იუსტიციის მინისტრია. სანდრა კი “ნიდერლანდების საპატიო საკონსულოს თანამშრომელია”. ახალშენის ქუჩაზე მდებარე ბინის ფასი ამჯერად 90 000 ლარია.
2001 წელი – დეკლარაციაში მითითებული ბინის მისამართი არ ჩანს, სამაგიეროდ მითითებულია ფასი 95 ათასი ლარი. დეკლარაციიდან ირკვევა, რომ სააკაშვილებს დავა ჰქონიათ მეზობელთან – სასამართლოს განჩინების საფუძველზე “საცხოვრებელი ბინის მიმდებარე ტერიტორიაზე მრავალსართულიანი სახლის სახლის მშენებელობით მიყენებული ზიანის საკომპენსაციოდ” 9500 ლარია გადახდილი. ოღონდ გაურკვეველია, სააკაშვილებმა გადაიხადეს ეს თანხა თუ მათ გადაუხადეს.
იმ წელს სტრასბურგის ერთ-ერთი ბანკიდან პრეზიდენტმა ვალიც კი აიღო 1000 ფრანკის ოდენობით. აღნიშნულ დეკლარაციაში მიშა წერს, რომ უმუშევარია, მაგრამ პარალმენტის წევრობის კანდიდატია. სანდრა რულოვსი ნაღდი ფულის სახით 5000 ლარს ფლობს, მისი ხელფასი 4 ათასი ლარია, იუსტიციის მინისტრი სააკაშვილი კი თვეში 400 ლარს იღებს. ერთ-ერთ გრაფაში სააკაშვილს ჩაუწერია “სამივლინებო ხარჯები 6000 ათასი ლარი – ეს არ არის შემოსავალი”.
2002 წელი მიშა სააკაშვილი პარლმენტის წევრია. ოჯახის ქონებრივი მდგომარეობა თითქმის არ იცვლება. თუ არ ჩავთვლით სანდრას მამის საჩუქარს – 1500 დოლარიან ავტომანქანას.
2003 წელი – მიშა სააკაშვილი საკრებულოს თავმჯდომარეა. ცვლილება მის ქონებრივ დეკლარაციაში სანდრას 1800 ლარად ღირებულმა “ფოლკსვაგენმა” შეიტანა. რულოვსი ახალშენის ბინას ყიდის და ბარნოვის 9-ში შედარებით იაფფასიან ბინას ყიდულობს. მიშას ხელფასი კვლავ 400 ლარია, სანდრა კი 1000 დოლარს იღებს ყოველთვიურად.
2004 წელი – სააკაშვილი პრეზიდენტია, ოჯახის ფულადი დანაზოგი მნიშვნელოვნად იმატებს. სააკაშვილი: 12 500 და 3 900 დოლარი, სანდრა რულოვსი 3 500 ევრო.
სამუშაოდან მიღებულ შემოსავალში პრეზიდენტს 6 851 ლარი აქვს მითითებული, სანდრას ხელფასი 1 500 ევროა. იმ წელს პრეზიდენტის სამივლინებო ხარჯებმა 14 633 ლარი შეადგინა.
2005 წელს სააკაშვილებს უძრავი ქონება არ შეუძენიათ, სამაგიეროდ გაიზარდა მათი ფულადი დანაზოგი. სააკაშვილი – 21 000 ევრო და 9 000 ლარი. სანდრა რულოვსი 2 000 დოლარი. პრეზიდნეტმა იმ წელს ხელფასის სახით 33 789 ლარი აიღო, დანამტიც თითქმის იმდენივე – 31 530 ლარი, პრეზიდენტთან არსებული განვითარებისა და რეფორმების ფონდთან გაფორმებული გრანტის ხელშეკრულების საფუძველზე.
2006 წელი – ბარნოვის 9-ში მდებარე ბინის გასწვრივ სააკაშვილს მიუწერია ფასი 180 000 ლარი და შენიშვნა “ჩემი შეფასებით გასულ წელთან შედარებით ბინის ფასები თბილისის ცენტრში თითქმის გაორმაგდა”. ოჯახის დანაზოგი კი ასე გამოიყურება: სააკაშვილი – 20 ათასი ევრო და 60 ათასი ლარი. მისი ყოველთვიური ხელფასი 4 ათასი ლარია. 2006 წელს პრეზიდენტის მივლინენებზე 79 391 ლარი დაიხარჯა.
2007 წელი – ბარნოვის ქუჩაზე მდებარე სანდრა რულოვსისი ბინა უკვე 220 ათასი ლარი ღირს. იმ წელს მიშამ ხელფასის სახით 48 ათასი ლარი მიიღო, სანდრამ კი 30 ათასი ევრო – წიგნის ჰონონარი.
2007 წელს პრეზიდნეტს ბევრი არ უფრენია, სამივლინებო ხარჯი სულ რაღაც 24 ათასი ლარია. ოჯახის ფულადი დანაზოგი კვლავ იმატებს: 40 000 ლარი, 26 000 ევრო, 60 000 ევრო, 3 000 ევრო, 19 643 დოლარი და 15 000 ლარი. პრეზიდენტი თანხების წარმომავლობასაც უთითებს: საქართველოს ბანკში არსებული თანხა სახელფასო დანაზოგია, სანდრას უცხოურ ანგარიშებზე არსებული ფული კი მისი ჰონორარი.
2008 წლის დეკლარაცია თითქმის არ განსხვავდება წინა წლის დეკლარაციისგან.
2009 წელი – სააკაშვილის ხელფასი 54 075 ლარია. უძრავი ქონების გრაფაში ცვლილება არ არის, არც ოჯახის ფინანსური მდგომარეობა გაუმჯობესებულა.
2010 წელი – სანდრა რულოვსი ბარნოვის 9-ში 164 კვ.მ მანსარდს ყიდულობს. ფულადი დანაზოგი კი ასეთია: 29 021 ლარი, 34 479 დოლარი, 30 000 დოლარი და 60 000 ევრო. პრეზიდენტის ხელფასი 59 000 ლარია.
2011 წელი – სააკაშვილები გუდაურში 500 კვ.მ მიწის ნაკვეთს ყიდულობენ.
2012 წელი – ოჯახის უძრავ ქონებას ემატება ნაკვეთი ყვარელში 6820 კვ.მ და საცხოვრებელი სახლი 97 კვ.მ, რომლის აშენებაც პრეზიდენტს 45 738 ლარი დააუჯდა, ნაკვეთში კი 33 000 ლარი გადაიხადა.
2013 წლის დეკლარაციაში ჩნდება ყვარელში შეძენილი მიწის 8 ნაკვეთი, რაშიც სააკაშვილმა 105 ათასი ლარი გადაიხადა. ნაკვეთების უმრავლესობა მიშამ საპარლამენტო არჩევნებში დამარცხების შემედეგ 2012 წლის ოქტომბერში შეიძინა.
შეგახსნებეთ, რომ ქონებრივი დეკლარაცია ასახავს იმ ქონებას, რომელიც თავად პირმა გაასაჯაროვა. საქართველოს კანონმდებლობა არ ითვალისწინებს თანამდებობის პირების მიერ შევსებულ დეკლარაციებში მითითებული ქონების სიზუსტის დადგენას საჯარო უწყებების მიერ.
