“კატეგორიულად დავუყენე პრემიერს საკითხი – უნდა გადავმდგარიყავი”

მისივე თქმით, 1991 წელს, როდესაც დამოუკიდებელი სასწავლებლები გაიხსნა, ერთ-ერთი პირველი იყო “ღია ჰუმანიტარული უნივერსიტეტი”, სადაც მას მისცეს საშუალება  მე-11 კალასელი  პირველკურსელი გამხდარიყო.

“სასწავლებელი ოთხწლიანი იყო და რომ დავამთავრე 20 წლისაც არ ვიყავი, ერთი წელი ხომ სკოლამ მაჩუქა და ერთი წელიც სასწავლებელმა, ეს იყო და ეს… 18 წლის ასაკში უკვე პოლიციელი გავხდი და 19 წლისას მომიწია უნივერსიტეტის დამთავრება. ყველაფერი დანარჩენი სრული სიცრუეა, რაზეც “ნაციონალები” საუბრობდნენ. ბატონი ჯაფარიძე აცხადებდა, რომ დიპლომის ნომერი ცდება და ა.შ. ეს ყველაფერი იყო სრული სისულელე. მე არ ვაპირებ თავის მართლების რეჟიმში ყოფნას, მოვიდნენ, კურსელებიც მყავს, ჯგუფელებიც და კიდევ ბევრს აქვს ეს სასწავლებელი დამთავრებული, ისეთებს ახლაც რომ მაღალ თანამდებობებზე არიან. საკონსტიტუციო სასამართლოს თავმჯდომარის მოადგილეს აქვს დამთავრებული, ესეც ვიცი და ამასთან დაკავშირებით პრობლემა არ არსებობს”, _ განამრტავს ფარცხალაძე.

იგი ასევე ეხმაურება გავრცელებულ ხმებს, რომ თანამდებობა ექსპრემიერ ივანიშვილის მითითებით დატოვა და აღნიშნავს, რომ “ესეც “ნაციონალების” მორიგი ტყუილია”.

“ეს არის “ნაციონალების” მორიგი ტყუილი, სიცრუე, რაზეც ზოგადად არიან აგებული. მე პირველ დღესვე, როგორც კი დაიწყო ამაზე საუბარი (ერთადერთი, რაც რეალური და სწორია, ეს არის გერმანიის ნასამართლეობა, რაც ნამდვილად იყო, თუმცა არა იმ ფაქტზე რაზეც ისინი საუბრობენ), ვნახე ბატონი ირაკლი ღარიბაშვილი და ვუთხარი, რომ არ მინდოდა ჩემი გულისთვის პრობლემა შექმნოდა, მე ვიყავი ბატონი ბიძინას და ვარ ირაკლის გუნდის წევრი. ამიტომაც ვუთხარი, რომ გადავდგებოდი. ჩემით მივიღე ეს გადაწყვეტილება, რადგანაც შევატყვე, რომ ამ სიცრუით უნდოდათ თავიანთი წარსული დანაშაულების გადაფარვა. შეთხზეს ზღაპრები და გერმანიის შემთხვევა უნდა ექციათ კენედის მკვლელობად. მაშინვე კატეგორიულად დავუყენე ბატონ ირაკლი ღარიბაშვილს საკითხი – უნდა გადავმდგარიყავი. ბატონ ბიძინასთან არანაირი შეხება არ მქონია.”