“ყველა დაინახავს შემდგომი ნაბიჯებით, რომ საქართველოში რეალური თვითმმართველობა იქნება უზრუნველყოფილი. საარჩევნო კოდექსთან დაკავშირებით შექმნილია ინტერფრაქციული ჯგუფი, რომელსაც აქვს ინტენსიური შეხვედრები და საქმიანობა როგორც არასაპარლამენტო ოპოზიციასთან, ასევე ცესკოსთან და იმ ორგანიზაციებთან, რომლებიც თვითმმართველობის საკითხში არიან კომპეტენტურნი”.
ძიძიგურის განცხადებით, თვითმმართველობის კოდექსის მეორადი მოსმენით მიღება 20 იანვრიდან დაიწყება.
უმრავლესობის წარმომადგენელი აღნიშნავს, რომ ყველა შემთხვევაში აუცილებელია სასამართლოს გადაწყვეტილების პატივისცემა. ის ამბობს, რომ დღეს სასამართლო გაცილებით დამოუკიდებელია, ვიდრე ყოფილა ოდესმე. მან აქვე აღნიშნა, რომ საჭიროა უგულავა შეეგუოს სასამართლოს მიერ მისი უფლებამოსილების შეჩერებას. ძიძიგური ასევე გამოეხმაურა ახალაიას საქმეში გამოვლენილ ახალ გარემოებებს.
“პროკურატურის მიერ დადებული ეს ახალი მასალა ჩემთვის პირადად უმნიშვნელოვანესია. ერთხელ და სამუდამოდ ბოლო უნდა მოეღოს ქვეყანაში სისტემურ დანაშაულებებს და წერტილი დაესვას უკანონობას, მაგრამ აქაც უნდა დაველოდოთ სასამართლოს გადაწყვეტილებას და საბოლოო ვერდიქტი სასამართლომ უნდა გამოიტანოს, თუმცა არ უნდა დავივიწყოთ ის უყრიდიული მტკიცებულებები, რომელიც ამ საქმეზე არსებობს. ვფიქრობ, დამნაშავეები კანონის მთელი სიმკაცრით დაისჯებიან, რათა არავის აღარასოდეს არ გაუჩნდეს სურვილი მსგავსი ქმედებები ჩაიდინოს”.
ძიძიგური შეეხო მთავარი პროკურორის ვაკანტურ ადგილს და აღნიშნა, რომ აუცილებელია პროკურატურა იყოს ორგანიზებული, უნდა იყოს მენეჯმენტი კარგად აწყობილი, არ უნდა დარჩეს არც ერთი საქმე ყურადღების მიღმა და არის ბევრი ადამიანი, რომელიც ამ მოთხოვნებს დააკმაყოფილებს. უმრავლესობის წევრი მიიჩნევს, რომ არ გაჭირდება ახალი პროკურორის კანდიდატის დასახელება. ის ასევე შეეხო ფარცხალაძის პროკურორობის პერიოდს და განაცხადა, რომ ამ დროს ბევრი საქმე გააქტიურდა.
“ფარცხალაძის საქმიანობის ხანმოკლე პერიოდში ძალიან ბევრი საქმე გააქტიურდა. ფარცხალაძეს უკავშირდება გიგი უგულავას უფლებამოსილების შეწყვეტა, ვინაიდან მის საქმესთან დაკავშირებით პროკურატურამ წარადგინა ახალი მტკიცებულებები და სასამართლომ მიიღო კონკრეტული გადაწყვეტილება. ის რომ შურისძიება იყო ფარცხალაძეზე ამის დადასტურება მარტივად შეიძლება. მის ნასამართლეობის შესახებ “ნაციონალური მოძრაობის” წევრებს დიპლომატიური კორპუსისისთვის ინფორმაცია მიწოდებული ჰქონდათ 10 დღით ადრე, ვიდრე ამაზე თავად გააკეთებდნენ განცხადებას. ეს ინფორმაცია კი გააჟღერეს მას შემდეგ, რაც სასამართლომ მიიღო გადაწყვეტილება უგულავასთვის უფლებამოსილების შეწყვეტის შესახებ. ფაქტიურად მთელი ფრონტი გაიმართა მის წინააღმდეგ. ისეთი არასამათავრობო ორაგანიზაციებიც კი, როგორებიც არიან, ახალგაზრდა იურისტთა ასოციაცია და სხვები, რომლებიც კანონის დარღვევაზე ლაპარაკობდნენ, საუბრობდნენ მის მორალურ პასუხისმგებლობაზე. მიუხედავად იმისა, რომ კანონთან მას არავითარი პრობლემა არ ჰქონდა სწორი გადაწყვეტილება მიიღო და გადადგა, თორემ ჩვენ პოლიტიკური კოალიცია ამ საკითხს არ დავაყენებდით, რადგანა ეს იყო “ნაციონალური მოძრაობის” მხრიდან შანტაჟის მცდელობა”.
ძიძიგური შეეხო ასევე ჩხატარაშვილის თემასაც და განაცხადა, რომ მისი საქმიანობა ყურადსაღებია და შესასწავლია.
“თუ მისი ბრალეულობის ნიშნები იკვეთება და პროკურატურა ამას ამბობს, ასეთი ადამიანი კი მუშაობდა პროკურატურაში, შესასწავლი იქნება ეს ყველაფერი როგორც მისი თანამდებობის პირად ყოფნის, ასევე პროკურატურაში მრჩევლად ყოფნის პერიოდში. ამ საქმიანობის შედეგად კი რა დასკვნას დადებს მთავარი პროკურატურა ამას ყველანი ერთად ვნახავთ”.
უმრავლესობის წარმომადგენელმა აღნიშნა, რომ ქვეყნის ეკონომიკური ზრდის მაჩვენებელი ნოემბრის თვის მონაცემებით არის 7, 8% და აღნიშნავს, რომ ყველა თავდასხმა ეკონომიკური ზრდის შემთხვევაში არის გაბათილებული და ისევ და ისევ მიზანმიმართულად აჟიოტაჟ -ატეხილი. მისი თქმით ამოქმედდა და გააქტიურდა კერძო ბიზნესი, გამოჩნდნენ ახალი ინვესტორები, რაც ხელს შეუწყობს ეკონომიკის შემდგომ კიდევ უფრო განვითარებას.
