რამდენ ლარს შეადგენს განათლებისა და მეცნიერების მინისტრის, მოადგილეების, დეპარტამენტის თავმჯდომარეების ყოველთვიური ხელფასი? რა თანხა გაიცა მინისტრზე პრემიის სახით 2013 წლის 1 იანვრიდან – 2013 წლის 31 დეკემბრამდე? როგორ გადანაწილდა ეს თანხა თვეების მიხედვით? რამდენი ლარი შეადგინა მინისტრის სახელფასო დანამატმა 2013 წლის 1 იანვრიდან – 2013 წლის 31 დეკემბრამდე?
მთლიანობაში რამდენი იყო მინისტრის ანაზღაურება 2013 წლის 1 იანვრიდან – 2013 წლის 31 დეკემბრამდე? ამასთან დაკავშირებით "გურია ნიუსმა" განათლებისა და მეცნიერების სამინისტროს ოფიციალური წერილით მიმართა.
სამინისტროდან მიღებული საბუთით ირკვევა, რომ 2013 წელს, მინისტრმა თამარ სანიკიძემ, ხელფასი 42 798 ლარი და 91 თეთრი აიღო. ხოლო სამინისტროში პირველი მოადგილის თანამდებობაზე ყოფნის პერიოდში კი, 20 842ლარი და 39 თეთრი. სანიკიძემ მთლიანობაში სამინისტროში მუშაობის პერიოდში 63 641 ლარი და 30 თეთრი
ოფიციალური საბუთით ირკვევა, რომ 2013 წელს სანიკიძის წინამორბედმა, მინისტრმა გიორგი მარგველაშვილმა ხელფასის სახით 47 023 ლარი და 70 თეთრი, ხოლო პრემიის სახით კი 4 335 ლარი აიღო.
"2013 წლის მარტის თვეში საქართველოს განათლებისა და მეცნიერების მინისტრზე – გიორგი მარგველაშვილზე პრემიის სახით გაცემულია 4335,00 ლარი; 2013 წლის აპრილის თვეში საქართველოს განათლებისა და მეცნიერების მინისტრის პირველ მოადგილეზე – თამარ სანიკიძეზე პრემიის სახით გაცემულია 1475.00 ლარი.
2013 წელს საქართველოს განათლებისა და მეცნიერების მინისტრზე – ბატონ გიორგი მარგველაშვილზე გაცემული შრომის ანაზღაურება შეადგენს 47 023,70 ლარს.
საქართველოს განათლებისა და მეცნიერების მინისტრზე ქალბატონ თამარ სანიკიძეზე მინისტრის პირველი მოადგილის თანამდებობაზე ყოფნის პერიოდში (01.01.2013 -17.07.2013) გაცემული შრომის ანაზღაურება შეადგენს 20 842,39 ლარს. მინისტრად ყოფნის პერიოდში (18.07.2013-31.12.2013წ) გაცემული შრომის ანაზღაურება შეადგენს 42 798.91 ლარს; სულ ჯამში – 63 641,30 ლარი."
საქართველოს განათლებისა და მეცნიერების სამინისტროს მინისტრის, მისი მოადგილეებისა და დეპარტამენტების უფროსების თანამდებობრივი სარგო კი ასე გამოიყურება: მინისტრი თამარ სანიკიძე 3 540 ლარი; მინისტრის პირველი მოადგილე, ნატრიაშვილი ქეთევანი 2 950 ლარი; მინისტრის მოადგილეები: გიგაური ლია, მარსაგიშვილი თამაზი და შარვაშიძე გიორგი ხელფასი კი 2 720 ლარია;
სამინისტროს დეპარტამენტის უფროსებისა და მოადგილეების ხელფასი კი ასეთია: საზოგადოებასთან ურთიერთობის დეპარტამენტი ხელმძღვანელი, ასათიანი ნატო, უმაღლესი განათლებისა და მეცნიერების განვითარების დეპარტამენტი ხელმძღვანელი, ბერიაშვილი მამუკა, ადმინისტრაციის ხელმძღვანელი, კერვალიშვილი კარლო, ზოგადი განათლების მართვისა და განვითარების დეპარტამენტის ხელმძღვანელი, კვიტაიშვილი ნინო, სამართლებრივი უზრუნველყოფის დეპარტამენტის უფროსი, ლომინაშვილი დავითი, შიდა აუდიტის დეპარტამენტი უფროსი, ონოფრიშვილი ალექსანდრე, ეკონომიკური დეპარტამენტის უფროსი, საღინაძე ლაშა, საერთაშორისო ურთიერთობებისა და პროგრამების დეპარტამენტის უფროსი, ტუსკია ნინო და ეროვნული სასწავლო გეგმების დეპარტამენტის უფროსი, ჯოხაძე ნათია ხელფასის სახით თვეში 2 100 ლარს იღებენ.
ზოგადი განათლების მართვისა და განვითარების დეპარტამენტის უფროსის მოადგილე, გრიგოლია ქეთევანი, ადმინისტრაციის უფროსის მოადგილე, კენჭაძე ეკა, ეროვნული სასწავლო გეგმების დეპარტამენტის უფროსის მოადგილე, ლეჟავა ეკატერინე, სამართლებრივი უზრუნველყოფის დეპარტამენტის უფროსის მოადგილე, მაჩიტიძე ეკატერინე, ადმინისტრაციის უფროსის მოადგილე, რომანაძე გურანდა, პროფესიული განათლების განვითარების დეპარტამენტის უფროსის მოადგილე, ქიტიაშვილი თამარისა და შიდა აუდიტის დეპარტამენტის უფროსის მოადგილეების, გიორგი ქოჩიშვილისა და ირაკლი ჯიქიას სახელფასო სარგო თვეში 1 780 ლარია.
