საქართველოს განათლებისა და მეცნიერების სამინისტრო საკუთარი "ფეისბუქის" გვერდზე ეროვნულ გამოცდებთან დაკავშირებით განცხადებას ავრცელებს, რომელსაც უცვლელად გთავაზობთ:
"საქართველოს განათლებისა და მეცნიერების სამინისტრო კიდევ ერთხელ კატეგორიულად უარყოფს ერთიან ეროვნულ გამოცდებთან დაკავშირებით მედიაში გავრცელებულ დეზინფორმაციას, თითქოს განათლების სამინისტროს გადაწყვეტილებით, ერთიან ეროვნულ გამოცდებზე ჩაჭრილ აბიტურიენტებს მომდევნო წლებში გამოცდაზე განმეორებით გასვლის უფლება აღარ ექნებათ და მხოლოდ იმ შემთხვევაში მიეცემათ შესაძლებლობა, თუ სწავლების ზედა საფეხურს თავიდან გაივლიან.
სამინისტრო კატეგორიულად აცხადებს, რომ ინფორმაცია არ შეესაბამება სიმართლეს!" – ნათქვამია სამინისტროს განცხადებაში
