"მინდა მოგესალმოთ და დაგიდასტუროთ ჩემი პატივისცემა", _ ასე მიმართა საქართველოს პრეზიდენტმა გიორგი მარგველაშვილმა, საქართველოს დიპლომატიურ წარმომადგენლებს, ამბასადორიალზე, რომელიც დღეს სასტუმრო "ქართიართ მარიოტში" გაიმართა.
დიპკორპუსთან შეხვედრაზე პრეზიდენტმა ხაზი გაუსვა უელსის სამიტის მნიშვნელობას და განაცხადა:
"მიუხედავად იმისა, რომ საქართველო აქტიურად არის ჩართული ნატო-სა და ევროკავშირის მისიებში, ვმონაწილეობთ გლობალური უსაფრთოხების საქმეში, სამწუხაროდ, ჯერ კიდევ არ ვართ უსაფრთხოების ამ სისტემის ნაწილი. ჯერ კიდევ ბოლომდე ვერ ვსარგებლობთ სერვისით და არ ვართ მათში ჩართული. მინდა ავღნიშნო უელსის სამიტის მნიშვნელობა, რომელზეც ჩვენ ვიქნებით წარდგენილი სექტემბრის დასაწყისი.
უესლის სამიტისთვის მზადება უნდა იყოს ყველა ჩვენი დიპლომატიური მისიის მიზანი და როლი. სწორედ უელსის სამიტზე ჩვენ უნდა მივაღწიოთ ერთმნიშვნელოვან დაფასებას, საქართველოს მიერ განხორციელებული რეფორმების, საქართველოს მიერ საერთაშორისო მისიების ჩართულობისა და სწრაფვას ნატო-ში ინტეგრაციისაკენ.
მინდა ხაზი გაუსვა – ჩვენი ტრადიციული მუშაობა, არ აღიარების პოლიტიკის, ტერიტორიული მთლიანობისა და სუვერენიტეტის თვალსაზრისით ბუნებრივია მუდმივ ყურადღებას და მუშაობას მოითხოვს.
ბუნებრივია ეს ხორციელდება ყველა ქვეყანაში, სადაც დიპლომატურ საქმიანობას ვახორციელებთ. ჩვენმა პარტნიორებმა უნდა იცოდნენ ამ ქვეყანაში, ჩვენ არ აღიარების პოლიტიკით არ ვახორციელებთ რამე ტიპის იზოლაციონიზმს, არამედ პირიქით, ვზრუნავთ, ვდარდობთ, შეძლებისდაგვარად ვეხმარებით ოკუპირებულ ტერიტორიაზე მცხოვრებ მოსახლეობას.
ამასთან დაკავშირებით, ბუნებრივია ყველა ჰუმანიტარული პროექტი, რომელშიც ჩვენ შეგვიძლია და გვაქვს შესაძლებლობა ჩავერთოთ, მნიშვნელოვანია.
ასევე, მნიშვნელოვანია მუდმივად და გულისყურით თვალყური ვადევნოთ პროცესს, რომელიც ხელოვნური საზღვრების გავლებასთან დაკავშირებით მიმდინარეობს. აუცილებელია ჩვენი პარტნიორების მაქსიმალური და აქტიური ჩართულობა ამ მიმართულებით", _ განაცხადა მარგველაშვილმა.
