დღეს, 10 წელი გავიდა სამაჩაბლოში გმირულად დაღუპული, ოზურგეთელი ზაზა დამენიას გარდაცვალებიდან. როგორც წინა წლებში, ახლაც მის საფლავთან ოჯახის წევრები, ადგილობრივი ხელისუფლების და საზოგადოების წარმომადგენლები შეიკრიბა.
ზაზა დამენიას დედა, ციური წერეთელი ჩვენთან საუბრის დროს ამბობს, რომ ის პრობლემა, რომელიც წლების წინ იდგა, შეიძლება ახლა მოგვარდეს:
"ჩემს შვილის აქვს გმირის წოდება, ის არის საქართველოს ტერიტორიული მთლიანობისთვის დაღუპული და მის მშობელს მარჩენალდაკარგულის სტატუსი ჰქონდეს, შეიძლება? დღეს გავიგე, რომ ამ საკითხის მოგვარება დაწყებულია და ვნახოთ, რა იქნება", _ გვითხრა ციური წერეთელმა.
ზაზა დამენიას მეუღლის, ხათუნა ხუხუნაიშვილის თქმით, ეს წლები მისთვის ყოველთვის მძიმე იყო და არის:
"ძნელია ზაზას გარეშე, მაგრამ მისი გმირობით ვამაყობ. ეს დღეს ყოველთვის ტკივილიანი იქნება ჩემს ცხოვრებაში.
გული მწყდება, რომ ტელევიზიით ყველა გმირის შესახებ კეთდება სიუჟეტი, მაგრამ ზაზა დამენიას შესახებ ეს არა", _ თქვა ხათუნა ხუხუნაიშვილმა.
ზაზა დამენია 2004 წლის 16 აგვისტოს ცხინვალის მისადგომებთან საომარი მოქმედებების დროს დაიღუპა.
