საქართველოს შინაგან საქმეთა სამინისტრო 2013-2013 წლების აგვისტოს თვის, რეგისტრირებული დანაშაულის სტატისტიკურ მონაცემებს აქვეყნებს.
უწყების ინფორმაციით, 2014 წლის აგვისტოში შსს-ს ტერიტორიული დანაყოფების საგამოძიებო ქვემდებარეობის მიხედვით რეგისტრირებულია 2405 დანაშაული, რომელთაგან გაიხსნა 1277 დანაშაული. დანაშაულის გახსნის პროცენტია 53,1%. ხოლო წინა
წლის ანალოგიურ საანგარიშო პერიოდთან შედარებით დანაშაულის პროცენტული
კლებაა -19,27 %.
დანაშაული სიცოცხლის წინააღმდეგ 2013 წლის აგვისტოში რეგისტრირებულია 139, აქედან გახსნილია 23. 2014 წლის აგვისტოში რეგისტრირებულია 124, გახსნილია 19.
2013 წლის აგვისტოში განზრახ მკვლელობა 13 შემთხვევიდან, გაიხსნა 10; 2014 წლის ანალოგიურ პერიოდში კი, 10 ფაქტია მომხდარი, გახსნილია 9.
2013 წელს განზრახ მკვლელობა დამამძიმებელ გარემოებებში – 2 ფაქტია რეგისტრირებული, აქედან 2-ვე გაიხსნა, 2014 წელს კი 1 მკვლელობაა მომხდარი, რომელიც უკვე გახსნილია.
2013 წელის აგვისტოში მკვლელობის მცდელობის 3 შემთხვევაა დაფიქსირებული, აქედან სამივე გახსნილია. ხოლო 2014 წელს 2 შემთხვევიდან 2-ვე გაიხსნა.
თვითმკვლელობამდე მიყვანის 97 შემთხვევაა დაფიქსირებული აქედან არცერთი არ გახსნილა, 2014 წელს კი 88 შემთხვევიდან არცერთი არ არის გახნილი.
რაც შეეხება ჯანმრთელობის წინააღმდეგ ჩადენილ დანაშაულს, სტატისტიკის მიხედვით, 2013 წლის აგვისტოში სულ რეგისტრირებულია 302 შემთხვევა, აქედან გახსნილია 152.
2014 წლის ანალოგიურ პერიოდში კი 310 რეგისტრირებული შემთხვევიდან 183 გაიხსნა.
უფრო კონკრეტულად კი, 2013 წელს ჯანმრთელობის განზრახ მძიმე დაზიანების 11 შემთხვევაა დაფიქსირებული, აქედან 5 გაიხსნა. 2014 წლის ამავე პერიოდში კი 19 შემთხვევიდან 17-ია გახსნილი.
2013 წელს ოჯახური ძალადობის 33 შემთხვევიდან გაიხსნა 26, 2014 წლის ამავე პერიოდში კი რეგისტრირებულია 53 შემთხვევა, გახსნილია 40.
ამასთან, 2013 წლის აგვისტოში ადამიანის სიცოცხლისა და ჯანმრთელობისათვის საფრთხის შექმნის 14 შემთხვევაა დაფიქსირებული, გახსნილია 7, 2014 წლის ამავე პერიოდში კი 7 შემთხვევიდან 4-ია გახსნილი.
რაც შეეხება სქესობრივი თავისუფლებისა და ხელშეუხებლობის წინააღმდეგ ჩადენილ დანაშაულს, შსს-ს სტატისტიკის თანახმად, 2013 წელს 17 შემთხვევაა დაფიქსირებული, გახსნილია 7, 2014 წელს კი, 11 შემთხვევიდან 4-ია გახსნილი.
აქედან, 2013 წლის აგვისტოში ფიქსირდება გაუპატიურების 7 ფაქტი, აქედან 3 გაიხსნა; 2014 წლის აგვისტოში კი, 3 რეგისტრირებული შემთხვევიდან 1-ია გახსნილი.
შსს-ს მონაცემებით, 2013 წლის აგვისტოში ადამიანის უფლებებისა და თავისუფლების წინააღმდეგ 27 დანაშაულია რეგისტრირებული, აქედან 10-ია გახსნილი, 2014 წელს კი, 21 შემთხვევიდან 9 გაიხსნა.
უფრო კონკრეტულად კი, 2013 წელს თავისუფლების უკანონო აღკვეთის 7 შემთხვევიდან 3 გაიხსნა, 2014 წელს კი, 3 შემთხვევიდან 2 გახსნეს.
აღსანიშნავია, რომ 2014 წლის აგვისტოში ტრეფიკინგის არცერთი ფაქტი არ არის რეგისტრირებული.
2013 წელს, ისევე, როგორც 2014 წელს საკუთრების წინააღმდეგ ჩადენილი დანაშულის საკმაოდ მაღალი მაჩვენებელია დაფიქსირებული.
კერძოდ, 2013 წლის აგვისტოში დაფიქსირებულია 1294 შემთხვევა, გახსნილია – 385, 2014 წელს კი, 1041 შემთხვევიდან შსს-მ 367 გახსნა.
2014 წელის აგვისტოში დაფიქსირებულია ქურდობის 820 შემთხვევა, აქედან გახსნილია 267, მაშინ, როდესაც 2013 წლის ამავე პერიოდში 1018 შემთხვევიდან 269 გახსნეს.
რაც შეეხება ძარცვას, სტატისტიკის თანახმად, 2014 წელს 183 შემთხვევიდან 33 უკვე გახსნილია. 2013 წლის ამავე პერიოდში კი 274 შემთხვევა იყო რეგისტრირებული, აქედან 63 გაიხსნა.
2014 წლის აგვისტოში ყაჩაღობის 17 შემთხვევაა დაფიქსირებული, აქედან უკვე გახსნილია 7. 2013 წლის ამავე პერიოდში კი, 33 შემთხვევიდან 18-ია გახსნილი.
2014 წელს ასევე დაფიქსირებულია თაღლითობის 66 შემთხვევა, აქედან გახსნილია 31.
2013 წლის ამავე პერიოდში კი 107 შემთხვევიდან 55იყო გახსნილი.
რაც შეეხება საზოგადოებრივი უშიშროებისა და წესრიგის წინააღმდეგ ჩადენილ დანაშაულს, სტატისტიკის თანახმად, 2014 წელს რეგისტრირებულია 155 შემთხვევა, გახსნილია 134. 2013 წელს კი, 232 შემთხვევიდან, 157 იყო გახსნილი.
აქედან, 2014 წელს ხულიგნობის 16 შემთხვევაა დაფიქსირებული, გახსნილია 14. 2013 წელს კი 21 შემთხვევიდან 14 გახსნეს.
2014 წელს ასევე ფიქსირდება ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღების 130 შემთხვევა, აქედან 113 გახსნილია. 2013 წლის ამავე პერიოდში კი, 75 შემთხვევიდან 52 გაიხსნა.
რაც შეეხება სატრანსპორტო დანაშაულს, სტატისტიკის მიხედვით, 2014 წლის აგვისტოში ფიქსირდება 78 დანაშაული, აქედან 25-ია გახსნილი. 2013 წელს კი 59-დან 18 გაიხსნა.
კერძოდ, 2014 წლის აგვისტოში დაფიქსირებულია ტრანსპორტის მოძრაობის უსაფრთხოების ან ექსპლუატაციის წესის დარღვევის 75 შემთხვევა, აქედან 25-ია გახსნილი.
2013 წლის აგვისტოში კი, 57 შემთხვევიდან 18 გახსნეს.
აქედან, 2014 წელს დაზარალებულის სიკვდილით დამთავრდა 11, გახსნილია 4. 2013 წელს კი, 8 შემთხვევიდან 2 გაიხსნა.
რაც შეეხება სამოხელეო დანაშაულს, 2014 წელს ფიქსირდება 1 შემთხვევა, რომელიც გახსნილი არ არის. 2013 წელს კი, 2 შემთხვევიდან არცერთი გახსნილა.
ასევე, 2014 წლის აგვისტოში არ ფიქსირდება ქრთამის მიცემის არცერთი შემთხვევა.
