"გაერთიანებული დემოკრატიული მოძრაობის" ოზურგეთის რაიონული ორგანიზაციის, თავმჯდომარე, თამარ ნადირიძე, შინაგან საქმეთა სამინისტროს მიმართავს და ოზურგეთში მომხდარ საზარელ მკვლელობას ეხმაურება.
"ძალიან სამწუხაროა, როცა ტრაგიკულად იღუპება ადამიანი საკუთარი შვილების თვალწინ, მაშინ როდესაც მან არაერთხელ ითხოვა შველა სამართალდამცავი ორგანეობისაგან. ფაქტია, რომ დაღუპულმა არაერთხელ მიმართა სამართალდამცავ ორგანოებს, მიუხედავად ამისა, მათი მხრიდან ვერ განხორციელდა შესაბამისი პრევენციული ღონისძიებები, რაც თავიდან აგვაცილებდა ტრაგიკულ მოვლენას.
მივმართავთ შინაგან საქმეთა სამინისტროს მოთხოვნით – შეისწავლოს ნ.რ.-ს შსს-ს სამსახურებისათვის მიმართვების საფუძველზე შესაბამისი თანამდებობის პირების მიერ განხორციელებული მოქმედებების კანონშესაბამისობა.
ასევე, მოვითხოვთ შინაგან საქმეთა სამინისტროსაგან განსაკუთრებულ ყურადღება იქნეს გამოჩენილი ოჯახური ძალადობის ფაქტების მიმართ საქმეების წარმოებისას, რადგანაც ჩვენთვის ხელთ არსებული ინფორმაციით ამ მხრივ სიტუაცია უკიდურესად რთულია, რისი გამოხატულებაც მოცემულ შემთხვევაში სახეზეა", _ ამბობს თამარ ნადირიძე.
"გურია ნიუსს" შინაგან საქმეთა სამინისტროს პრესსამსახურში კი განუცხადეს, რომ სამართალდამაცავი სტრუქტურისთვის ნ.რ.-ს არასდროს არ მიუმართავს.
