“მონაკოს” უეინ რუნის შეძენა სურს

რამდენიმე საათის წინ, ბრიტანულმა გამოცემამ "The Telegraph", სენსაციური ინფორმაცია გაავრცელა.

ცნობილი გახდა, რომ ინგლისის ეროვნული გუნდისა და "მანჩესტერ იუნაიტედის“ თავდამსხმელმა უეინ რუნიმ შესაძლოა კარიერა ფრანგულ "მონაკოში“ გააგრძელოს.

დღეს დილით ბრიტანულ გამოცემას "მონაკოს“ ვიცე პრეზიდენტი ვადიმ ვასილიევი ესაუბრა.

აღმოჩნდა რომ ამ გუნდს რუნის გადაბირება მიმდინარე წლის ზაფხულში სურდა, მაგრამ ფეხბურთელმა შემოთავაზებაზე კატეგორიული უარი განაცხადა.

საინტერესოა, რომ ბატონი უეინის "პატრიოტული ნაბიჯი“ ერთი გარემოებით ყოფილა განპირობებული. ფრანგულ მხარესთან მოლაპარაკების დღეებში რუნის მანჩესტერული გუნდის ხელმძღვანელობამ ახალი გაუმჯობესებული ხელშეკრულება შესთავაზა.

ახალი კონტრაქტის პირობების თანახმად, თავდამსხმელი ხუთი წლის განმავლობაში, კვირაში ხელფასის სახით 300 ათასი გირვანქა სტერლინგით გამდიდრდება.

ბრიტანელი სპორტული ჟურნალისტების მტკიცებით, რუნის "მონაკოსთან“ დალაპარაკება იმ უბრალო მიზეზის გამო "მოუხდა“, რომ მშობლიურ მანჩესტერში ხელფასის მომატებისთვის მიეღწია.

ზაფხულში განცდილი წარუმატებლობის მიუხედავად "მონაკოს“ ხელმძღვანელობა დანებებას არ აპირებს. გუნდის წარმომადგენლები ფეხბურთელ უეინს უკვე დაუკავშირდნენ და ახალი სარფიანი წინადადებით მიმართეს.

კულუარული ცნობით, ბრიტანული გუნდის უფროსობა ფრანგების შემოთავაზების საქმის კურსში იმყოფება, თუმცა "მანჩესტერ იუნაიტედში“ რუნისთვის ანაზღაურების მომატების საკითხი საერთოდ არ იხილება.

ფრანგული სპორტული მას-მედიის მტკიცებით, დიდია ალბათობა რომ 2015 წლის იანვრის სატრანსფერო ფანჯრის დღეებში რუნიმ კარიერა "მონაკოში“ გააგრძლოს.

http://www.sovsport.ru/news/text-item/750051