ზაზა ხატიაშვილი თავდაცვის სამინისტროს მაღალჩინოსნებს თავდებში უდგება

საქართველოს ადვოკატთა ასოციაციის თავმჯდომარე ზაზა ხატიაშვილი თავდაცვის სამინისტროს მაღალჩინოსნების დაკავების ფაქტს ეხმაურება და მათთვის თავდებში დადგომას აპირებს.

როგორც ხატიაშვილი აცხადებს, დაკავებული მათალჩინოსნები პოლიტპატიმრები და მძევლები არიან.

“გამოვდივარ ინიციატივით თავდებში დაუდგეთ მე და ირაკლი ალასანია თავდაცვის სამინისტროს უკანონოდ დაკავებულ მაღალჩინოსნებს, რადგან ისინი არიან პოლიტპატიმრები და მძევლები.

ჩვენ არ უნდა დაუშვათ საქართველოში უკანონო პრეცედენტი დაშვება, საქართველოს ისტორიაში პირველად დაფიქსირდა პროკურატურის მხრიდან , რომ ადვოკატებს არ გადასცეს საქმის მასალები, ეს არ გაუკეთებია არავის, რუსეთის და ბელარუსიის გარდა.

2008 წლის 9 ოქტომბერს ევროპის ადამიანის უფლებათა სასამართლოს საქმეზე მოისეევი – რუსეთის წინააღმდეგ დაადგინა ევროპის ადამიანის უფლებათა სასამართლომ კონსვენციის 6 ნუხლის ( სამართლიანი სასამართლოს უფლების დარღვევა)3 ნაწილის” ბ” და “ც” პუნქტების დარღვევა მხოლოდ იმის გამო, რომ ადვოკატებს არ მისცეს საქმის მასალები, რომელიც იყო გასაიდუმლოებული… მეგობრებო, ზაზა ხატიაშვილი, არასოდეს არ ვაკეთებ განცხადებას განცხადებისთვის, მე ვსაუბრობ ფაქტებით, თუ ასე გაგრძელდა, დავიღუპებით, უსამართლობა და საამართლიანი სასამართლოს არქონა შობს ყველანაირ ძალადობას. გამოვფხიზლდეთ,  ჩვენ არ ვართ პოლიტიკოსები, ჩვენ უნდა დავიცვათ ჩვენი სამოქალაქო უფლებები.

1,5 წლის წინ მოგიწოდებდით გვერდში დამდგომოდით და არ დაგვეშვა საკანონმდებლო ცვლილებები რომ მთავარი პროკურორი დაენიშნა პრემიერ-მინისტრს. პროკურატურამ ჩაიდინა დანაშაული ვისთან ვუჩივლო პროკურორებს? ვინ დასჯის მათ? სააკაშვილი დაღუპა იმ უფლებებმა რომელიც მას  მისმა პარლამენტმა მიანიჭა, იგივე დაემართა ღარიბაშვილს მაგრამ საბოლოოს ჯამში საკააშვილის და ღარიბაშვილის უაზრო ქმედებებით ზარალდება სამოქალაქო საზოგადოება, რა დაუაშავეთ ისეთი, რომ მუდმივად ასეთი პირველ პირებს ვირჩევთ?” _ წერს ზაზა ხატიაშვილი საკუთარი "ფეისბუკის“ გვერდზე.