რამდენიმე საათის წინ ბრიტანულმა გამოცემამ „Daily Mail“ საინტერესო ინფორმაცია გაავრცელა. საფრანგეთის ეროვნული გუნდის ყოფილი მოთამაშე, 37 წლის ტიერი ანრი მომავალ წელს სამწვრთნელო კარიერის დაწყებას აპირებს.
ასაკოვანი ფეხბურთელი ამჟამად აშშ-ის პირველობაზე ასპარეზობს და კლუბი „ნიუ-იორკ რედ ბულსის“ ღირსებას იცავს. გუნდთან მოქმედი ხელშეკრულების ვადა 2015 წლის ზაფხულში უსრულდება. ამის შემდეგ მოთამაშე მწვანე მოედანს სამუდამოდ გამოეთხოვება. რასაკვირველია ანრი ფეხბურთიდან წასვლას არ აპირებს. ერთ-ერთ ბოლო ინტერვიუში მან განაcხადა რომ თავის მომავალს მწვრთნელობას უკავშირებს.
ბრიტანული გამოცემის მტკიცებით, რამდენიმე დღის წინ ანრის ლონდონის „არსენალის“ მთავარი მწვრთნელი არსენ ვენგერი შეეხმიანა და ასისტენტობა შესთავაზა.
„ტიერი ანრი „არსენალის“ ცოცხალი ლეგენდაა. ჩვენ ერთად არაერთი წელი გვიმუშავია და მას ჩინებულად ვიცნობ. ვფიქრობ რომ ანრისგან კარგი ფეხბურთის სპეციალისტი დადგება.
მწვრთნელის პროფესია ურთულესთა რიგს მიეკუთვნება. უპირველეს რიგში უნდა მიეჩვიო რომ მუდმივად ვიღაცის კრიტიკის ობიექტი იქნები. მრავაწლიანმა გამოცდილებამ მასწავლა რომ შენიშვნებს ყურადღება არ უნდა მიაქციო და შენი საქმე გულისყურით აკეთო. ამის გარდა მწვრთნელი საკუთარ ოჯახს მოწყვეტილია. ამ სიმძიმეს ბევრი ჩემი კოლეგა ვერ უძლებს.
ტიერი ანრი. ვფიქრობ ის მწვრთნელის საქმიანობის ყოველ სიმძიმეს გაითვალისწინებს და ამ პროფესიის რთულ აღმართს შეუდგება. მას რამდენჯერმე ვესაუბრე. მოსაფიქრებლად დრო მოითხოვა. დარწმუნებული ვარ რომ დამთანხმდება და ინგლისის პრემიერლიგის მომავალ პირველობაზე სათადარიგოთა სკამზე ადგილს ჩემს გვერდით დაიკავებს“. – განაცხადა არსენ ვენგერმა
