რამდენიმე საათის წინ ესპანურმა გამოცემამ „Marca” საინტერესო ინფორმაცია გაავრცელა.
უახლოეს დღეებში მადრიდის „რეალის“ ხელმძღვანელობა გუნდის ამჟამინდელ მთავარ მწვრთნელთან, იტალიელ ფეხბურთის სპეციალისტთან, 55 წლის კარლო ანჩელოტისთან მოქმედი ხელშეკრულების გახანგრძლივებასთან დაკავშირებით მოლაპარაკებებს დაიწყებს.
„კარლიტოს“ ესპანურ „სამეფო გუნდთან“ გაფორმებული კონტრაქტის ვადა 2016 წლის ზაფხულში უმთავრდება.
ცნობილი გახდა რომ „რეალის“ პრეზიდენტი ფლორენტინო პერესი იტალიელს უკვე შეხვდა და შესთავაზა რომ გუნდში მუშაობა 2017 წლის ზაფხულამდე გააგრძელოს.
გამოცემა „Marca”-ს ჟურნალისტების მტკიცებით. ანჩელოტი ესპანეთის დედაქალაქში დარჩენაზე უარს არ ამბობს. მთავარი პრობლემა ფინანსური სახისაა და მის ახალ გაუმჯობესებულ ხელფასს ეხება. ამ თანხის ოდენობას ესპანელი ჟურნალისტები ჯერჯერობით ვერ ასახელებენ.
ფაქტი ერთია. კარლო ანჩელოტი „რეალს“ უახლოესი სამი წლის განმავლობაში უხელმძღვანელებს.
