ადამიანები კომბოსტოს უძველესი დროიდან იყენებდნენ, როგორც კოსმეტიკაში, ისე მედიცინაში. მისი ფოთლები მრავალი სახის კოსმეტიკურ საშუალებად გამოიყენება.
თმის ძირების გასამაგრებლად და გასაჯანსაღებლად _ ერთი სუფრის კოვზი კომბოსტოს წვენი შევურიოთ ამავე რაოდენობის ლიმონის წვენში და ძილის წინ შევიზილოთ ძილის თმის ძირებში. ასე გაიმეორეთ ორი კვირის მანძილზე, ორ-ორი დღის შუალედით კვირასა და კვირას შორის (წვენის მისაღებად, კომბოსტოს გატარების შემდეგ, მარლაში გავწურავთ).
სახეზე გამონაყარის სამკურნალოდ _ ნახევარი ჭიქა კომბოსტოს წვენი მოვამზადოთ, დავასველოთ ხელსაწმენდი და 15-20 წუთით დავიფაროთ ჩამობანილ სახეზე. ამ დროში, როცა გაშრება ხელსაწმენდი, კვლავ დავასველოთ და დავიფაროთ ისევ. დღის მანძილზე წვენის ეს რაოდენობა უნდა გამოვიყენოთ. მომდევნო დღეს ახალ წვენს მოვამზადებთ. სულ 25 სეანსი უნდა ჩავატაროთ.
კომბოსტოს ფოთლების ფაფა _ გატარებული ფოთლებით მოვამზადოთ ფაფა და მისი ნიღაბი დავიფაროთ ათი წუთით სახეზე. მერე თბილი წყლით ჩამოვიბანოთ. ის სახის კანს ანიჭებს სირბილეს, ელასტიურობას და საგრძნობლად აახალგაზრდავებს.
კომბოსტოს ფაფა მშრალი კანისთვის _ ჯერ სახეზე ვიფარებთ ცხელ, სოდიან წყალში დასველებულ მარლას (1 ჭიქა წყალზე 1 ჩაის კოვზი სოდა). შემდეგ კი კომბოსტოს ფოთლებიდან დამზადებულ ფაფას ნახევარი საათით დავიდებთ სახეზე. ჩამობანის შემდეგ მკვებავი კრემი უნდა წაისვათ.
კომბოსტოს ფაფა ცხიმიანი კანისთვის _ კომბოსტოს ფოთლების ფაფა წავისვათ სახეზე და ზემოდან დავიფაროთ ხელსაწმენდი 25 წუთით. შემდეგ ნიღაბს მოვიშორებთ, ჩამოვიბანთ ცივი წყლით და წავისვამთ მკვებავ კრემს. პროცედურას ვიმეორებთ მანამ, სანამ კანი არ მიიღებს ნორმალურ იერს.
კომბოსტოს ფოთლები _ ფეხის ქუსლების ნახეთქების სამკურნალოდ ავიღოთ კომბოსტოს ფოთლები, წავუსვათ თაფლი, ცოტა ხნით გავაჩეროთ, მოვაყაროთ ცოტა პურის ფქვილი და შემოვადოთ ქუსლებს და შევახვიოთ. ასე მოვიქცეთ ძილის წინ. დილით ფეხი დავიბანოთ. ასე მოვიქცეთ 10 დღის განმავლობაში, სანამ შედეგი არ დადგება.
