თბილისში, თევდორე მღვდლის ქუჩაზე, წინასწარ გავრცელებული ინფორმაციით, პოლიციელმა თავი მოიკლა.
როგორც გარდაცვლილი პოლიციელის მეზობლები აცხადებენ, შემთხვევა დღეს დილით მოხდა. გარდაცვლილის ცხედარი უკვე გადაასვენეს.
მათივე ინფორმაციით, გუდავაძე სახლში მარტო ცხოვრობდა. მან რამდენიმე დღის წინ დედა სოფელში წაიყვანა.
"გარდაცვლილის დედამ რამდენიმე დღის წინ ფეხი მოიტეხა რ.ბ. მუშაობდა, დედის მოვლა არ შეეძლო და იგი სოფელში მამიდასთან წაიყვანა", – აცხადებენ მეზობლები.
მათივე ინფორმაციით, გარდაცვლილი დასაოჯახებელი იყო.
"რატომ უნდა მოეკლა თავი, ჩვენთვის გაუგებარია, რადგან კარგი სამსახური ჰქონდა და პრობლემები არ ჰქონია", – აცხადებენ მეზობლები "ინტერპრესნიუსთან" საუბრისას.
შემთხვევის ადგილზე ამ დრომდე მუშაობენ საპატრულო პოლიციის და ექსპერტ-კრიმინალისტთა სამსახურის თანამშრომლები.
შსს-ს ინფორმაციით, პოლიციელი, რომელმაც სისოცხლე, სავარაუდოდ, თვითმკვლელობით დაასრულა, საპატრულო პოლიციის საგამოძიებო სამსახურის თანამშრომელი იყო.
უწყებაში გარდაცვლილთან დაკავშირებით სხვა ინფორმაციას ჯერჯერობით არ აკონკრეტებენ, თუმცა განმარტავენ, რომ მომხდარზე გამოძიება თვითმკვლელობამდე მიყვანის მუხლით დაიწყო.
"გარდაცვლილი საპატრულო პოლიციის საგამოძიებო სამსახურის თანამშრომელი იყო. მომხდარზე გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს", – ამბობენ შსს-ში.
