პირველ დეკემბერს, ქალაქ ოზურგეთის მუნიციპალიტეტის საკრებულოს სხდომა გაიმართა, რომელზეც დღის წესრიგით გათვალისწინებული ხუთი საკითხის განიხილეს. საკრებულოს სხდომა თავმჯდომარეს გელა კობალაძეს მიჰყავდა.
"მშენებლობის ნებართვასთან დაკავშირებული (გარდა განსაკუთრებული მნიშვნელობის რადიაციული ან ბირთვული ობიექტების მშენებლობის) დოკუმენტების ტიპური ფორმებისა და მშენებლობის სანებართვო მოწმობის ფორმის აღრიცხვა-ანგარიშგების წესის დამტკიცების შესახებ" _ ქალაქ ოზურგეთის მუნიციპალიტეტის საკრებულოს დადგენილების მიღების თაობაზე, ქალაქ ოზურგეთის მერიის თანამშრომელმა შუქრი გაბრიჩიძემ ისაუბრა. მისი თქმით, უნდა დამტკიცდეს ქალაქ ოზურგეთის ტერიტორიაზე მშენებლობის სანებართვო მოწმობის გამოყენებისა და აღრიცხვა-ანგარიშგების წესი, ასევე, მშენებლობის სანებართვო მოწმობის ფორმა, მოწმობის აღრიცხვის ჟურნალის ფორმა და ამასთანავე, მშენებლობის სანებართვო მოწმობის ფორმის დაბრუნებული, გაუქმებული ან გამოსაყენებლად უვარგისი ჩამოწერის აქტის ფორმა.
"ქალაქ ოზურგეთის მუნიციპალიტეტის ტერიტორიაზე გეოგრაფიული ობიექტების სახელდებისა და ქუჩების, ხეივნების, მოედნების, შესახვევების, ჩიხების, მრავალბინიანი სახლების სადარბაზოებისა და ბინების ნუმერაციის წესის დამტკიცების შესახებ" ქალაქ ოზურგეთის მუნიციპალიტეტის საკრებულოს დადგენილების მიღების თაობაზე, მერაბ წივწივაძემ ისაუბრა. მან თქვა, რომ აღნიშნულთან დაკავშირებით უამრავი განცხადებაა შემოსული ქალაქის მერიაში, ამიტომ მერმა უნდა გამოსცეს ბრძანება და ჰქონდეს უფლება, მიანიჭოს ნუმერაცია.
ბინათმესაკუთრეთა ამხანაგობების აღრიცხვისა და ბინათმესაკუთრეთა ამხანაგობების განვითარების ხელშეწყობის გასახორციელებლად გათვალისწინებული თანხების განკარგვის წესის დამტკიცების შესახებ", საჯარო ადმინისტრაციული წარმოების დაწყების თაობაზე, მერიის იურისტმა გიორგი ხუროშვილმა ისაუბრა.
"საკრებულოში დაწყებულია საჯარო ადმინისტრაციული წარმოება" ბინათმესაკუთრეთა ამხანაგობების აღრიცხვისა და გათვალისწინებული თანხების განკარგვის წესის დამტკიცების შესახებ" დადგენილების მისაღებად, რომლის ვადაა 2014 წლის 23 დეკემბერი. დაინტერესებულ ფიზიკურ და იურიდიულ პირებს "ბინათმესაკუთრეთა ამხანაგობების აღრიცხვისა და ბინათმესაკუთრეთა ამხანაგობების განვითარების ხელშეწყობის გასახორციელებლად გათვალისწინებული თანხების განკარგვის წესის დამტკიცების შესახებ" საკრებულოს დადგენილების პროექტთან დაკავშირებით, საკუთარი მოსაზრებები შეუძლიათ წარმოადგინონ 2014 წლის 19 დეკემბრამდე, საკრებულოს აპარატში.
ქალაქ ოზურგეთის მუნიციპალიტეტის ბიუჯეტის სარეზერვო ფონდის შექმნისა და განკარგვის წესის დამტკიცების შესახებ, საჯარო ადმინისტრაციული წარმოების დაწყების თაობაზე, მარიკა ნაცვალაძემ ისაუბრა: _ დაწყებულია საჯარო ადმინისტრაციული წარმოება "ქალაქ ოზურგეთის მუნიციპალიტეტის ბიუჯეტის სარეზერვო ფონდის შექმნისა და განკარგვის წესის შესახებ" საკრებულოს დადგენილების მისაღებად.
ქალაქ ოზურგეთის მუნიციპალიტეტის საკრებულოს თავმჯდომარის 2014 წლის 22 აგვისტოს #46 განკარგულებაში, "ქალაქ ოზურგეთის მუნიციპალიტეტის 2014 წლის სახელმწიფო შესყიდვების გეგმის შესახებ" ცვლილებებისა და დამატებების შეტანის თაობაზე, დავით გორდელაძემ აღნიშნა, რომ ქალაქ ოზურგეთის მუნიციპალიტეტის მერიის სახელმწიფო შესყიდვების გეგმაში შეტანილი იქნას შემდეგი ცვლილებები: _ კლასიფიკატორის კოდი: 79800000 _ ბეჭდვა და მასთან დაკავშირებული მომსახურებები (ქალაქ ოზურგეთის მუნიციპალიტეტის მერიისა და საკრებულოს მიერ გამოცხადებული საჯარო მოხელეთა შესარჩევი კონკურსის მეორე ეტაპის _ ტესტირების მომსახურების უზრუნველყოფა) – 1 750 ლარი: _ სულ დარეგისტრირებულია 175 აპლიკანტი. თითოეულისთვის 10 ლარს ვიხდით, აქედან გამომდინარე, ეს თანხა 1 750 ლარია. ეს არის მომსახურების თანხა, _ აღნიშნა დავით გორდელაძემ.
საკრებულომ ხუთივე საკითხი დაამტკიცა.
