საქართველოს განათლებისა და მეცნიერების სამინისტროს ინფორმაციით, სკოლებში ზამთრის არდადეგები 30 დეკემბერს დაიწყება და 14 იანვრის ჩათვლით გაგრძელდება. სასწავლო პროცესი 15 იანვრიდან აღდგება.
რაც შეეხება უნივერსიტეტებს, თბილისის სახელმწიფო უნივერსიტეტის ბაკალავრიატის საფეხურზე შემოდგომის სემესტრიც 30 დეკემბერს სრულდება. არდადეგები გრძელდება 30 დეკემბრიდან – 7 იანვრამდე, ასევე 15 თებერვლიდან – 1 მარტამდე. ბაკალავრების საგამოცდო პერიოდია 8 იანვრიდან – 3 თებერვლამდე (ძირითადი გამოცდები), 7 – 14 თებერვალი (დამატებითი გამოცდები). გაზაფხულის სემესტრის ადმინისტრაციული რეგისტრაციის ვადებია 3 – 24 თებერვალი, ხოლო აკადემიური რეგისტრაცია გრძელდება 26 თებერვალი – 3 მარტი (ყველა ფაკულტეტისთვის, გარდა ზუსტ და საბუნებისმეტყველო მეცნიერებათა ფაკულტეტისა). 25 თებერვალი – 3 მარტი (ზუსტ და საბუნებისმეტყველო მეცნიერებათა ფაკულტეტისათვის) სააუდიტორიო მეცადინეობები – 3 მარტი – 14 ივნისი; საგამოცდო პერიოდი – 16 ივნისი – 10 ივლისი (ძირითადი გამოცდები), 16 – 23 ივლისი (დამატებითი გამოცდები). არდადეგები – 24 ივლისი – 14 სექტემბერი.
მაგისტრატურის/დოქტორანტურის საგანმანათლებლო პროგრამისთვის სააუდიტორიო მეცადინეობები 18 იანვრამდე გრძელდება. არდადეგები მოიცავს 1- 7 იანვარს და 20 თებერვალი – 1 მარტის პერიოდს.
საგამოცდო პერიოდი გრძელდება 20 იანვრიდან – 8 თებერვლამდე (ძირითადი გამოცდები), ასევე 13 – 19 თებერვალი (დამატებითი გამოცდები).
გაზაფხულის სემესტრის ადმინისტრაციული რეგისტრაცია წარიმართება 10 – 24 თებერვალს. აკადემიური რეგისტრაცია – 26 თებერვალი – 3 მარტი;სააუდიტორიო მეცადინეობები – 3 მარტი – 14 ივნისი; საგამოცდო პერიოდი – 16 ივნისი – 10 ივლისი (ძირითადი გამოცდები), 16 – 23 ივლისი (დამატებითი გამოცდები); არდადეგები – 24 ივლისი – 14 სექტემბერი.
რაც შეეხება ბაღებს, თბილისის საბავშვო ბაგა-ბაღების მართვის სააგენტოს ხელმძღვანელის, თემურ თორდინავას თქმით, მერიაში ამ საკითხზე მსჯელობენ და ზუსტად ორშაბათისთვის გაირკვევა, როდის დაეწყებათ ბავშვებს არდადეგები. თორდინავას ვარაუდით, ეს რიცხვი, ალბათ 29, ან 30 დეკემბერი იქნება.
