თბილისის საქალაქო სასამართლოში რამდენიმე წუთის წინ დასრულდა ოზურგეთის მუნიციპალიტეტის ყოფილი გამგებლის გიორგი ტაკიძის მორიგი სასამართლო პროცესი. პროცესზე იმყოფებოდა ჩვენი კოლეგა, თამუნა ლეფსვერიძე, რომელიც ამ წუთებში “გურია ნიუსისთვის” ამზადებს სტატიას. მისი თქმით, სხდომა 10 წუთs გაგრძელდა და კვლავ გადაიდო. მორიგი სხდომა 11 ნოემბერს არის ჩანიშნული და არ არის გამორიცხული, რომ ტაკიძის მხარესა და პროკურატურას შორის საპროცესო გარიგება შედგეს:
_ გიორგი ტაკიძის პროცესი ზუსტად 12 საათზე დაიწყო. პროკურორი იყო ემზარ ღარიბაშვილი, რომელიც წინა პროცესებს არ ესწრებოდა და დღეს პირველად გამოჩნდა. მოსამართლემ პროცესის დაწყებისთანავე განაცხადა, რომ დაიწყო საუბარი საპროცესო გარიგებასთან დაკავშირებით. მან პროკურორს ჰკითხა, იყო თუ არა რაიმე შეთახმება შემდგარი და როგორი იყო მათი პოზიცია, რაზედაც პროკურორმა თქვა, რომ ჯერჯერობით მოლაპარაკება მიმდინარეობს _ გიორგი ტაკიძის მხარისთვის ცნობილი პირობები, პროკურატურას კი სჭირდება გარკვეული პერიოდი, _ თქვა ჩვენთან სატელეფონო საუბრის დროს თამუნა ლეფსვერიძემ.
პროკურატურამ ითხოვა, რომ პროცესი 10 დღით გადადებულიყო, რაზეც მოსამართლისგან დადებითი პასუხი მიიღო.
ამ ეტაპზე საპროცესო გარიგების დეტალებზე გიორგი ტაკიძის მხარე მედიასთან არ საუბრობს, თუმცა ჩვენი წყაროს ცნობით, საუბარია, რომ ყოფილი გამგებელს მიესაჯოს 8 წელი პატიმრობა და 20 000 ლარის გადახდა, რაზეც ტაკიძის მხარე თანახმა არ არის.
