დღეს, ქალაქ ოზურგეთის მუნიციპალიტეტის საკრებულოს სხდომა ხმაურის ფონზე მიმდინარეობდა. 2015 წლის ბიუჯეტი კი ერთმანეთში პიროვნული დაპირისპირების, ურთიერთშეურაცხყოფის, “საქმის გარჩევების“ და დამუქრებების მიუხედავად, მაინც დამტკიცდა.
ლეიბორისტული პარტიის ლიდერის გაცხარება „საქართველოს პატრიოტთა ალიანსის“ წევრის, გოჩა ძიმისტარაშვილის მიერ ბიუჯეტის დამტკიცებაზე თანხმობამ გამოიწვია. რასაც საკრებულოს თავმჯდომარის მოადგილის, ნინო გოგუაძის, დეპუტატის თამარ ნადირიძესა და ქალაქ ოზურგეთს მერს შორის დაპირისპირება მოჰყვა.
_ “გასაგებია, თქვენ ყოველთვის ყველაფერი მოგწონთ, ყველაფერში ეთანხმებით“, _ მიმართა ნათია შარაშენიძემ გოჩა ძიმისტარაშვილს.
ნინო გოგუაძე: “რატომ ახორციელებთ ზეწოლას დეპუტატზე?“
ბეგლარ სიორიძე: ბაზარია თუ რა ხდება, მოაგვარეთ ისე, რომ ერთმა ილაპარაკოს!
გელა კობალაძე: “მე გაძლევთ საშუალებას, რომ ისაუბროთ და გამოთქვათ თქვენი აზრი, ამა თუ იმ საკითხთან დაკავშირებით, მაგრამ ეს ბოლოს“.
თამარ ნადირიძე: “ მე მაქვს ერთი შეკითხვა, თქვენ წინასაარჩევნოდ დაჰპირდით მოსახლეობას ბიზნესის განვითარებას, ინვესტორების მოზიდვას, ფაქტობრივად, მერიას არანაირი გეგმა არ გააჩნია, რას გვეტყვით ამასთან დაკავშირებით?
ბეგლარ სიორიძე: “ვის ეკითხებით? ვის ეკითხება?“
გელა კობალაძე: “ჩვენ“
ბეგლარ სიორიძე: “ქალბატონო თამარ, მეც მაქვს თქვენთან შეკითხვა, ამისთვის მოვითხოვ დროს. მგონი, მე უფრო მეტი შეკითხვა მაქვს თქვენთან, ვიდრე _ თქვენ, ამიტომ მაგასაც გავარკვევთ, აუცილებლად გავაკეთებ განცხადებას“.
გოჩა მგელაძე: “ბიუჯეტში ინფრასტრუქტურული ღონისძიებები შეადგენს 14 პროცენტს, კულტურული ღონისძიებები _ 32 პროცენტს. პრიორიტეტი გვიწერია ინფრასტრუქტურა. აგვიხსენით, რომელ სხვა ხარჯებზეა საუბარი? რაც გვჭირდება, ის არ უნდა განვსაზღვროთ?“ აზრი არ აქვს უკვე! სხვა ხარჯები რა შუაშია? როცა კულტურაზე და სპორტზე 180 000 ლარია გამოყოფილი? გაუგებარია ეს ყველაფერი!“
ბეგლარ სიორიძე: “ გოჩა, ჩვენ დრო არ გვქონდა იმისთვის, რომ ეს თემა მანამდე განგვეხილა? რატომ არ გავერკვიეთ ამდენი ხანი ამაში? იყო დრო ამისთვის, ახლა აღარ არის“. ახსენი ერთი, მარიკა, რას ნიშნავს სხვა ხარჯები?
მარიკა ნაცვალაძე: სხვა ხარჯების მუხლი. ეს არის ღონისძიებებისა და კულტურის ხარჯები, რომელიც 100 000 ლარს შეადგენს, ეს არის გაუთვალისწინებელი ხარჯები, შეიძლება ყველა ეს თანხა არ დასჭირდეს“.
ნათია შარაშენიძე: “ბატონო გელა, აქ ისეთი ტენდენცია შეინიშნება, რომ ჩვენ ჩვენი აზრის გამოთქმა გვეკრძალება, ბატონი მერი პირდაპირ ზეწოლას ახდენს ჩვენზე. აი, ჩვენს ნებისმიერ კომენტარზე მას კომენტარი აქვს“.
ბეგლარ სიორიძე: “ რას შვრება მერი, რას?
_ “ზეწოლას ახდენთ ჩვენზე“
_ “რანაირად?“
_ “არ გვაცლით საუბარს“.
ბეგლარ სიორიძე: “დიახ, გავაკეთებ კომენტარს, ორი კვირაა, შემოსულია ბიუჯეტი და ახლა არკვევთ, რა მოგწონთ და რა _ არა? ქალბატონო, ხმას დაუწიეთ, ძალიან გთხოვთ, რა, გქონდათ დრო და გაგერკვიათ მანამდე“.
_ “თქვენ მიერ მსგავს საქციელს სისტემატური ხასიათი მიეცა, თქვენ ზეწოლას ახდენთ გამუდმებით თითოეულ ჩვენგანზე“.
ბეგლარ სიორიძე: “ნუ წიკვინებთ, რა, ძალიან გთხოვთ“.
_ “ნუ მიყვირით!“
_ “თქვენ ნუ მიყვირით!“
_ “დღეს მე ხმას ამოვიღებ, ქალბატონო და თქვენ პირადად პასუხის გაცემა მოგიწევთ ბევრ კითხვაზე“, _ მიმართავდა ქალაქ ოზურგეთის მერი დეპუტატს.
თამარ ნადირიძე: “ბატონო ბეგი, ნუ ნერვიულობთ. უმჯობესი იქნება, რომ თავი შევიკავოთ მსგავსი საქციელისგან, თქვენ უფრო მეტი მოგეთხოვებათ!“
_“ არ ვნერვიულობ და არ მაინტერესებს“.
_“ როგორ არ გაინტერესებთ, ეს რა საქციელია?“
თამარ ნადირიძე: მე მაინტერესებს, რას ეუბნებით თქვენს ამომრჩეველს? ეს დაპირდით? რა ეშველება სოციალურად დაუცველ ფენას?
საკრებულოს სხდომის დასრულებისას მწვავე განცხადებები გაკეთდა. დეპუტატებმა პროტესტის ნიშნად სხდომა დატოვეს.
