ოზურგეთის მუნიციპალიტეტის გამგეობის მიერ 201 -2013 წლებში სხვადასხვა ფიზიკურ და იურიდიულ პირებზე სარგებლობის უფლებით ( იჯარით ) გაცემულია 18 ფართობი, მათ შორის ერთი გაცემულია აუქციონის ფასით, 17 კი პირდაპირი განკარგვის წესით, იჯარით გაცემული შენობა – ნაგებობების საიჯარო ღირებულების განსაზღვრისას გათვალისწინებულია მათი საბალანსო ღირებულება, ხოლო არასასოფლო – სამეურნეო მიწის ფართობის საიჯარო ქირა განსაზღვრულია ოზურგეთის მუნიციპალიტეტის საკრებულოს მიერ მიღებული ნორმატიული ფასების გათვალისწინებით, რომელიც ქალაქის ზონების მიხედვით, წლიურად 1 კვ.მ. ღირებულება 1,7 – 6 ლარამდე შეადგენს. კერძოდ, 2006 წელს ი.მ. დავით კვაჭანტირაძეს ქალაქის ტერიტორიაზე ავტომობილების პარკინგისთვის, იჯარით აღებული აქვს 1082 კვ.მ. ფართობი, წლიური ღირებულება 1კვ.მ. -ზე შეადგენს – 2, 8 ლარს.
ი.მ. დავით კვაჭანტირაძესთან გაფორმებული ხელშეკრულება ითვალისწინებს საიჯარო ფასის ცვლილებას ნორმატიული ფასის ცვლილების შემთხვევაში, მაგრამ მიუხედავად ნორმატიული ფასის ცვლილებისა საიჯარო ქირა არ შევცვლილა.
არსებული პრაქტიკა აჩვენებს, რომ აქტივების საბალანსო და ნორმატიული ღირებულებები მნიშვნელოვნად განსხვავდება (ნაკლებია) საბაზრო ღირებულებისგან.
ოზურგეთის მუნიციპალიტეტში არ არის გათვალისწინებული შესაბამისი პასუხიმგებელი პირი, რომელსაც ევალება კონტროლი საიჯარო ქირის ამოღების პროცედურებზე, რის გამოც მუნიციპალიტეტში არ ფლობენ ინფორმაციას წლის განმავლობაში მისაღებ საიჯარო შემოსავლებზე, კონკრეტული პირისათვის არსებულ საიჯარო დავალიანებებსა და მოიჯარეების მიერ განხორციელებულ გადახდებზე.
სულ 2012 წლის 31 დეკემბრის მდგომარეობით, გადაუხდელი საიჯარო ქირის თანხამ შეადგინა – 20, 9 ათასი ლარი, ხოლო 2013 წლის 31 დეკემბრის მდგომარეობით 28, 1 ათასი ლარი _ აღნიშნულია აუდიტის დასკვნაში.
ამავე თემაზე: "საზოგადოებას ამომწურავი განმარტებები სჭირდება, თუ ვინ მართავდა იჯარით გაცემულ მიწის ნაკვეთებს"
