პოლიტიკური პარტია "გაერთიანებული დემოკრატიული მოძრაობის“ ლიდერი ნინო ბურჯანაძე, არცერთ პოლიტიკურ ძალასთან თანამშრომლობას არ გამორიცხავს, თუმცა, მისი თქმით, ხელისუფლებას ოპოზიციურ პარტიებთან ლაპარაკის სურვილი არ გასჩენია.
ამის შესახებ ნინო ბურჯანაძემ გაზეთ "რეზონანსთან“ საუბრისას განაცხადა.
"ჩვენი და ოცნების შერწყმაზე საუბარი არ ყოფილა და ვერც იქნებოდა, ვინაიდან ამის საჭიროებას ვერ ვხედავ. ჯერ კიდევ 2012 წლის საპარლამენტო არჩევნებამდე, ჩვენ ბიძინა ივანიშვილს თანამშრომლობას ვთავაზობდით, მაგრამ ივანიშვილმა მაშინ ჩათვალა, რომ იმდენად კარგად იცის თვითონ ყველაფერი, რომ ბრძოლას და ქვეყნის პრობლემების მოგვარებას დამოუკიდებლად აპირებდა.
რა გააკეთეს იმის გარდა, რომ ხელისუფლება შეცვალეს, ამას თქვენც კარგად ხედავთ.
თანამშრომლობას არცერთ პოლიტიკურ ძალასთან არ გამოვრიცავ. ახლა ხელისუფლებასთან ვერ ვთანამშრომლობთ, რადგან მათ არ გასჩენიათ სურვილი, რომ ოპოზიციურ პარტიებს დაელაპარაკონ_ _ განაცხადა ბურჯანაძემ.
მისივე თქმით, ქვეყანა თუ სათავიდან ვერ იმართება, ადგილებზე ვინც არ უნდა დანიშნო, ეს ეფექტურ მმართველობას ვერ მოგცემს.
"ის, რომ ჩვენი პარტიის ცალკეული წევრები კონკრეტულ თანამდებობებზე ინიშნებიან, ეს არაფერს ნიშნავს.
თუ კიდევ სადმე დახმარება სჭირდებათ, პრობლემა არ გვაქვს, ოღონდ საქმე გააკეთონ და დანიშნონ ჩვენი პარტიის წევრები თანამდებობებზე.
მაგრამ პრობლემა ისაა, რომ ქვეყანა თუ სათავიდან ვერ იმართება, ადგილებზე ვინც არ უნდა დანიშნო, ეფექტურ მმართველობას ეს ვერ მოგვცემს“– განაცხადა ბურჯანაძემ.
