ოზურგეთის რაიონულმა სასამართლოში, დღეს 12 საათზე ჩანიშნული ა. (ა) ი.პ.“ქალაქ ოზურგეთის მუნიციპალიტეტის ცენტრალური სტადიონის" ყოფილი დირექტორის, მურთაზ აბაშიძის სასამართლო პროცესი გადაიდო.
ოზურგეთის მუნიციპალური სტადიონის ყოფილი დირექტორი, მურთაზ აბაშიძე თანამდებობიდან 25 აგვისტოს გაათავისუფლეს, რის შემდეგაც მან სასამართლოს უკვე მეორედ მიმართა.
თავდაპირველად ოზურგეთის სასამართლომ საკითხი განიხილა და აბაშიძეს გამამართლებელი განაჩენი გამოუტანა – მურთაზ აბაშიძე თანამდებობაზე აღდგა, თუმცა მხოლოდ ერთი დღით.
სასამართლომ ბათილად სცნო ქალაქ ოზურგეთის მერის 2014 წლის # 84 ბრძანება მურთაზ აბაშიძის სამუშაოდან განთავისუფლების შესახებ და აღადგინა თანამდებობაზე.
ქალაქ ოზურგეთის მერმა, ბეგლარ სიორიძემ, # 301 ბრძანება 1 დეკემბერს გამოსცა.
"2014 წლის 30 ოქტომბრის # 354 -14 საქმეზე ოზურგეთის რაიონული სასამართლოს გადაწყვეტილებისა და არასამეწარმეო (არაკომერციული ) იურიდიული პირის " ქალაქ ოზურგეთის მუნიციპალიტეტის ცენტრალური სტადიონის" დირექტორის თანამდებობაზე აღდგენილი იქნას მურთაზ აბაშიძე და აუნაზღაურდეს სამსახურიდან განთავისუფლების დღიდან დღემდე იძულებით განაცდური ხელფასი."
თუმცა, მომდევნო დღეს, 2 დეკემბერს, მურთაზ აბაშიძე სამსახურიდან ისევ გაათავისუფლეს.
აბაშიძემ სასამართლოს კვლავ მიმართა. მის ინტერესებს საქართველოს ახალგაზრდა იურისტთა ასოციაცია იცავს.
დღეს სასამართლო პროცესი გადაიდო. მურთაზ აბაძიძის ადვოკატმა ჯაბა ზერეკიძემ მოსამართლეს მიმართა შუამდგომლობით, რადგან ზერეკიძის განმარტებით, მათ მიერ მერიიდან გამოთხოვილ საჯარო ინფორმაციაში არ იყო დაზუსტებული რა თანხას შეადგენდა 2014 წლის 1 დეკემბრიდან 2 დეკემბრამდე, ანუ ერთი დღით აღდგენილი მურთაზ აბაძიძის თანამდებობრივი სარგო.
მოსამართლე მარინა კიკნაძემ გაითვალისწინა აბაშიძის ინტერესების დამცველის მიერ დაყენებული შუამდგომლობა და სასამართლო სხდომა რამდენიმე დღით გადადო.
მოსამართლის მარინა კიკნაძის განცხადებით, ქალაქის მერიას უნდა აღესრულებინა სასამართლო გადაწყვეტილება და მურთაზ აბაშიძის თანამდებობრივი სარგო უნდა განესაზღვრა.
ამავე თემაზე: "არსებული ვითარებიდან გამომდინარე, საქმეში ომბუდსმენი უნდა ჩაერთოს"
