საქართველოს პრემიერ-მინისტრს, ირაკლი ღარიბაშვილს ქონებრივი დეკლარაცია 2014 წლის 31 დეკემბერს აქვს შევსებული. დეკლარაციის მიხედვით, პრემიერის ფინანსური მდგომარეობა წინა წლებთან შედარებით დიდად არ შეცვლილა.
პრემიერი ფლობს 121.80 კვ.მ-ის ფართობის ბინას თბილისში, გაგარინის ქუჩაზე. ამავე მისამართზე 16.00 კვ.მ.-ის ფართობის ავტოფარეხს.
ასევე, პრემიერის საკუთრებაშია საცხოვრებელი ბინა თბილისი, მოსაშვილის ქუჩაზე, რომლის ფართობიც 159.00 კვ.მ-ია. ამავე მისამართზე 170.00 კვ.მ.-ს ფართობის მეორე საცხოვრებელ ბინას და 11.00 კვ.მ-ისა და 38.00 კვ.მ-ის არასაცხოვრებელ ფართებს.
პრემიერის საკუთრებაშია მსუბუქი ავტომანქანა Mercedes Benz, 2009, NNA-100.
დეკლარაციის მიხედვით, პრემიერის ოჯახი არ ფლობს ფასიან ქაღალდებს. რაც შეეხება საბანკო ანგარიშებს, დეკლარაციის შევსების მომენტში ღარიბაშვილის მიმდინარე ანგარიშზე ბანკ „ქართუში“ 1 ევრო, 4.72 დოლარი (შენიშვნა: ეს ანგარიშები წინა წლების დეკლარაციებშიც ამავე ოდენობის თანხას შეიცავდა), 18.51 ლარი, ხოლო საბარათე ანგარიშებზე ამავე ბანკში 10.61 ლარი, 4987.94 დოლარი, 4371.44 ევრო ირიცხებოდა.
რაც შეეხება პრემიერ-მინისტრის მეუღლის, ნუნუკა თამაზაშვილის საბანკო ანგარიშებს, დეკლარაციის თანახმად, „თი–ბი–სი“ ბანკის მიმდინარე ანგარიშზე მას 229.74 ლარი, ბანკი ბანკი „ქართუს“ საბარათე ანგარიშზე კი., 0.33 ევრო ირიცხებოდა.
დეკლარაციის შევსებისას ირაკლი ღარიბაშვილს ნაღდი ფულის სახით ჰქონდა 10000 ლარი.
რაც შეეხება პრემიერ-მინისტრის სახელფასო ანაზღაურებას, მან წინა წელს, საქართველოს შინაგან საქმეთა მინისტრის პოსტზე, 77946.62 ლარი აიღო. პრემიერ-მინისტრის პოსტზე კი – 5869.05 ლარი.
მინისტრის ოჯახს 2014 წელს არ მიუღია ფასიანი საჩუქრები.
დეკლარაციის თანახმად, ირაკლი ღარიბაშვილის ოჯახს წინა წელს არც გასავალი ჰქონია.
რაც შეეხება წინა, 2012 და 2013 წლების დეკლარაციებს, ისინი დიდად არ განსხვავდება 2014 წლის დეკლარაციისგან. პრემიერის ფინანსური მდგომარეობა ფაქტიურად, არც შეცვლილა. თუმცა 2012 წელს, დეკლარაციის თანახმად, პრემიერის საკუთრებაში ორი მსუბუქი ავტომანქანა Mercedes Benz, 2009, NNA-100 და Toyota Corolla, 2007, GII-100 იყო. 2013-2014 წლების დეკლარაციებში კი, ირაკლი ღარიბაშვილის სახელზე მხოლოდ ერთი ავტომობილია – Mercedes Benz, 2009, NNA-100. რაც შეეხება მეორე ავტომობილს, ის დეკლარაციებში აღარ ფიქსირდება, თუმცა არც ის არის მითითებული გაყიდა თუ გააჩუქა პრემიერმა მის საკუთრებაში არსებული ავტომანქანა. 2013-2014 წლების დეკლარაციებში მანქანის გაყიდვიდან შემოსული თანხა (თუ ის პრემიერმა გაყიდა) დამატებითი შემოსავლის გრაფაში მითითებული არ არის.
