(გურია ნიუსი, ლანჩხუთი) _ ლანჩხუთის მოსახლეობა აღშფოთებას ვერ მალავს “აჯანყებული გურულის” ძეგლის აღების გამო. მართალია, როგორც გურულებს ჩვევიათ, არც საპროტესტო აქციების დაწყებაა მოსალოდნელი და მით უფრო, არც გურული ჯანყი, მაგრამ ხუთშაბათის ღამის “სპეცოპერაციამ” რომ ლანჩხუთის მოსახლეობას გული დაწყვიტა, ფაქტია. რაოდენ გასაკვირიც არ უნდა იყოს, ჩვენს მიერ გამოკითხული ადამიანებიდან არც ერთი არ გახლავთ ძეგლის აღების მომხრე. უმრავლესობა ფაქტს აპროტესტებს და მხოლოდ ერთეულებისთვის სულ ერთია _ გადაიტადნენ თუ არა ძეგლს. თუმცა ისინიც აღიარებენ, რომ ქალაქის სავიზიტო ბარათად ქცეული “გურულის” დატოვება უმჯობესი იქნებოდა.
“ეს რა დღე გაგვითენდა, მთელი დღე ვტიროდი. სატირლად დავარდა იმათი საქმე, ვინც ჩვენი გურული წაგვართვა. ან ღამე მალულად მოხსნა რა იყო? არ უნდათ არჩევნებში ხმა? ჰკითხეს ვინმეს? ან თუ ამ ძეგლს იღებდნენ, რატომ შემოღობეს სკვერი და ათასები რაში გადაყარეს? ყველა თვალცრემლიანი იყურება იმ ადგილისკენ”, _ ამბობს ჩვენი ერთ-ერთი რესპონდენტი.
მომხდარმა ფაქტმა დიდი გამოხმაურება ჰპოვა სოციალურ ქსელშიც. გაზეთ “ბანკები და ფინანსების” მთავარმა რედაქტორმა, ჩვენებურმა ზურა კუკულაძემ “ფეისბუქის” საკუთარი გვერდის კედელზე ასეთი თემა დადო: “ლანჩხუთის ცენტრიდან აღებული “აჯანყებული გურულის” ძეგლი ბაზრის მიმდებარე ტერიტორიაზე აღმოაჩინეს. სკულპტურას ქალაქის აგრარული ბაზრის მიმდებარე ტერიტორიაზე “გურია ნიუსმა” მიაგნო. “აჯანყებული გურულის” ძეგლი, რომელიც ლანჩხუთის ცენტრში წლების განმავლობაში იდგა, 17 ნოემბერს აიღეს”. თემას დიდი გამოხმაურება მოჰყვა _ ყველა კომენტარის ავტორი აპროტესტებს მომხდარს, გარდა ერთისა _ პოზიციებს კომენტარებიდან შეიტყობთ:
_ აუ, მე მომცენ ეგ ძეგლი, შევინახავ.
_ ჩემს ეზოში დავდგამ.
_ რას ერჩოდნენ მაგ ძეგლს?
_ ამ ძეგლის ამღების … (ცენზურა).
_ აუ რა საქონლები არიან, ნახე როგორ მიაგდეს რა.
_ დადგამენ ეხლა ტრაქტორის ძეგლს.
_ ოჩიაურმა ააღებინა, საჩივარი შეიტანა.
_ პოლიციას აშენებენ, სხვაგან მაინც გადაეტანათ, რატო გადააგდეს?
_ ოჩიაურის გაკეთებულია, მარა მაგან საბჭოთა ჰონორარი აიღო, ანუ გაყიდა.
_ ოჩიაური რომელი?? ქალი როა??
_ მაგ ქალის მამის, გოგი ოჩიაურის.
_ ხელოვნებას სულში აფურთხებენ უსისხლოები.
_ ააა, თუ გაყიდა, ეხლა, ძმაო, რას ერჩი?
_ ხელოვნება დიდი არაფერი, მაგრამ “იმენა” გურული ძეგლი იყო ეგ.
_ ხო რა, ლანჩხუთთან ასოცირდებოდა, არ უნდა აეღოთ.
_ ნებისმიერი ნამუშევარი ხელოვნებაა და გადასაგდებად არ მიღირს!
_ აუ მაგრად გატეხა.
_ აბა ტო, თან როგორ ემთხვევა ძველებს იღებენ და ველოსიპედებს დგამენ!
_ მიზეზი რა არის, ხომ არ იცით?
_ მართლა მომცენ, მე და წავიღებ სახლში, გურიაში ეზოში დავდგამ. ისე, ჩემს ერთ მეზობელს სტალინის ძეგლი უდგას სახლში, რო გადაადგეს აიღო და სახლში წაიღო.
_ კიდევ კარგი თავით არ ჩაარჭვეს, ტო!
_ კვერცხების და ველოსიპედის მერე ნეტა რა უნდა დადგან გურიაში, თუმცა კრეატივს რა გამოლევს?
_ ბევრ ფულს რო ვიშოვი, აღვადგენინებ!
_ იქნებ, ისე მოგცენ, არაა გამორიცხული თუ გადააგდეს წამოვიღოთ და დადგი.
_ აუ, მართლა ვიზამ მაგას, უნდა მოვიკითხო.
_ ვარდების რევოლუცია, ქართული ოცნება, იგივე პერსონაჟები. ქართული ოცნება ეს იგივე ვარდების რევოლუციაა, რაც მიხეილმა და ედუარდმა გაითამაშეს, იგივე პოლიტიკური პროსტიტუტკები დგანან დღეს ბიძინასთნ: ნინო ბურჯანაძე, კობა დავითაშვილი, ირაკლი ალასანია და იქნება ისევ ის პოლიტიკური და ეკონომიური ბორდელი საქართველოში, თუ დაუჭერთ მხარს ამ გარეწარ ვაი პოლიტიკოსებს….
_ განცხადება დაწერე და შეიტანე, უარი არ უნდა გითხრან წესით.
_ აუ, ეს ბოლო კომენტარი გუშინაც წავიკითხე სხვა პოსტზე. დააკოპირეს და ავრცელებენ
_ ედუარდის ბიუსტის დადგმას აპირებს, ალბათ, მიხეილა.
_ არ დანებდე, ეს ძეგლი შენია!
_ რა ჯანდაბა უნდოდათ, ერთ-ერთი ყველაზე კარგი ძეგლი იყო!
_ გადარეული გურული, ასე ეძახის ყველა ამ ძეგლს, სადღაც სადგურთან დგამენო და რავი.
_ სადგურში რა უნდა გურულს, ზურიკელააა????
_ აუ, ამ ეტაპზე მთავარია, არ დაანგრიონ და გააფუჭონ.
_ მაპატიოს ყველამ მაგრამ, როგორც ხელოვნების ნიმუში, როგორც ძეგლი და “ტექნიკური” ღირებულება ამ ძეგლში მინიმალურია… ერთადერთი ეთნოგრაფიული დატვირთვით, გურულებს გვიყვარდა ის მაგრამ ჩემთვის მასში საბჭოური მენტალობა მეტია ვიდრე გურული… ნუ განაწყენდებით კომენტარისთვის, სადღაც ეს ჩემი სფეროა და თავს უფლებას ვაძლევ გამოვთქვა აზრი…
_ მერე რა, იყოს საბჭოური, მთავარია რო მე მიყვარს ეგ ძეგლი, მაგარი არ მაინტერესებს რა “ღირებულება” დევს, არაფერი ტრაიბალისტური, უბრალოდ, მიყვარს, თან ლანჩხუთში, იქ სადაც სხვა ძეგლი უბრალოდ არ არის.
_ ლანჩხუთი ასოცირდებოდა მაგ ძეგლთან და ლანჩხუთის “გურიასთან”, არცერთი აღარ არის, “ვაფშე” ლანჩხუთი საბჭოურია თავიდან ბოლომდე და ამიტომ უნდა გავაუქმოთ?
_ ვერ დაგეთანხმები… ამოჩემებულ იდეას გავს რაც დაწერე… “მერე რა რომ მე მიყვარს” _ არ არის კეთილმოწყობის, მხატვარ-დეკორატორების და არქიტექტორების და ასე შემდეგ საზრუნავი და ეს შენც იცი… ლანჩხუთელი ვარ მეც, განა შორიდან და შენი მეგვარეც, სხვათაშორის, მაგრამ ეს ძეგლი არ არის რეალურად მხატრული ღირებულების და მაპატიე, ძმაო, ზურას რა უყვარს და გიორგის, ამით დაინტერესებას არც ახლო მომავალში ველი და არც არასდროს, მართალი გითხრა… პირადად მე ლანჩხუთს და “გურიას” “ბიუსტები” ნამდვილად ვერ მომაგონებს… სხვა სეგმენტებით მითბება უფრო გული… ის კი ნამდვილად “ბიუსტი” იყო, ძეგლი რაღაც სხვა გეგებაა ჩემთვის… მინიმუმ, 5 წელი ფორმა და ფერი ვიზეპირე…
_ იცი რა, ბებიაჩემი დღე და ღამე სერიალს უყურებს, უშინაარსო სერიალებს, არც დოსტოევსკი აქვს წაკითხული და არც გაუდის არქიტექტურას იცნობს კარგად, მას გული დაწყდა რომ ეს ძეგლი აიღეს, მისთვის ეს იყო გაუდიც და მიქელანჯელოც, სხვები თუ ამ ძეგლში მხატვრულ ღირებულებას ვერ ხედავენ, ეს ბებიაჩემს მაგრად კიდია…
_ ყველაზე კარგი ძეგლი იყო. ფულს იშოვი კი არა, ფეხებით უნდა დაკიდო მაგის გამო. ხელისუფლება უნდა წაართვა!!!
_ ხო კიდე, არც ეს ძეგლია ჩემთვის გურია და ვხვდები, რასაც გულისხმობ, მაგრამ პირველ რიგში, იმ ადამიანებს კიდიათ ეგ მხატვრული ღირებულება. მხატვრული ღირებულება ისაა, რაც ადამიანებს მოსწონს და არა ის, რასაც “ნასწავლი” ხელოვნებათმცოდნეები ამბობენ. გემოვნებაზე არ დაობენ, მაგრამ თუ გინდა ვიდავოთ.
_ ვიწრო გადასახედიდან აკვირდები “ბებოს” თემით, ზურა, მინიმუმ გეშლება უკვე. ბებოს და მის ბებოს ჩითის ხალათი უყვარდა იქნებ და ქალამნები ბაბუებს… შეაჩერე მაშინ დრო და დაბრუნდი წარსულში… სინჯე, აბა, თუ დაგიბრუნოს… ბებო რომ სერიალს უცქერს და ვინმე სხვა ბებო ალმადოვარს, ამაშია სხვაობა და რომელია უფრო ნათელი და ღირებული, თავად განსაჯე. არც ერთი ძეგლი, გურულის ერქვას თუ მეგრელის არ არის ქალაქის, კონკრეტული მუნიციპალიტეტის თუ მოქალაქის საკუთრება… 20 გულდაწყვეტილი ბებოს არგუმენტით ვერ შეცვლი ამას, რადგან სხვათაშორის ძალიან ბევრი როგორც მოწინააღმდეგე ასევე მომხრე ვნახე ამის.
_ ხელოვნება არა კვახი. იმიტომ აიღეს, რომ სამართლიანობისთვის ბრძოლის სიმბოლო იყო. ამათ მონური მენტალიტეტი უნდათ. და ამ კონტექსტში ხელოვნებით სპეკულირება არის ზუსტად მონური აზროვნება.
_ სამართლიანობისთვის “მებრძოლი” შინაარსები საბჭოეთში არ იდგმებოდა და “კვახებს” ჯობია ცოდნა, მეგობარო, რასაც წერთ. ეს შეარქვა მოსახლეობამ და რეალური თემატიკა თუ ვინმეს გაინტერესებთ, ცოტა უფრო ღრმად უნდა გესმოდეთ პროფილი. ზედაპირზე არ ლაგდება მაშინდელი ბნელეთი დღესაც…
_ ვაი ჩვენს პატრონს.
_ ყველაფერი “საბჭოური” მონური მენტალიტეტია და გურიის აჯანყებების ისტორიასაც მართლა უნდა ცოდნა!
_ ოკუპაციის მუზეუმში არ გასწავლიან მაგეებს!
_ მაპატიეთ, არ ვიცი, ამდენი… რაც გამეგება, იმასაც სხვა იბრალებს. დროა ასეთი… დაჩემების, რა გაეწყობა!
_ 20 გულდაწყვეტილი ბებო?! და ეგენი ადამიანები არ არიან? დიახ, თუ ჩითის ხალათია მისთვის კომფორტული, რატო უნდა დააძალო ატლასის ხალათის ჩაცმა? რახან “ჭკვიანები” თვლით, რო ატლასის ხალათი უფრო კაია? სიღრმე არა კვერცხები! ეს ძეგლი ყველაზე (ცენზურა) მოქანდაკის ნამუშევარია, მაგრამ იმ ადგილმა სადაც ის იდგა, მართლა ხელოვნების ნიმუშად აქცია,.. მკიდია, ამას აღიარებენ თუ არა ვიღაც “ჭკვიანები” და თუ ერთხელ მაინც ნამყოფი ხარ გურიაში, უნდა იცოდე, რო ყველა გურულს კიდია, ნორმები და სტანდარტები, ისინი თვითონ ქმნიან!
