25 ნოემბერი ქალთა მიმართ ძალადობის აღკვეთის საერთაშორისო დღეა.
გაეროს ინფორმაციით, ქალთა და გოგონების მიმართ ძალადობა ერთ-ერთი ყველაზე ფართოდ გავრცელებული მუდმივი და ადამიანის უფლებების შემლახავი დარღვევაა სამყაროში.
მათივე ცნობით, გენდერული უთანასწორობა მთელ მსოფლიოში გრძელდება.
როგორც გაეროს გენერალური მდივნის მიერ, მდგრადი განვითარების მიზნების მიღწევის შესახებ ბოლო ანგარიშშია ნათქვამი, გენდერული თანასწორობის მიღწევა და ქალებისა და გოგონების გაძლიერება მოითხოვს უფრო მკაცრ ძალისხმევას. მათ შორის, სამართლებრივი ჩარჩოების გამკაცრებას ფესვგადგმული გენდერული დისკრიმინაციის დასაძლევად. რაც, ხშირად იწვევს პატრიარქალურ დამოკიდებულებას და მასთან დაკავშირებულ სოციალურ ნორმებს.
აღნიშნული ანგარიშის თანახმად, 2005 -2016 წლის მონაცემებით, 87 ქვეყანაში ჩატარებული კვლევის შედეგებით, 15-49 წლამდე ასაკის ქალების 19% ფიზიკური ან სექსუალური ძალადობის შედეგადაა დაზარალებული.
მსგავსი ძალადობა კი უმეტეს შემთხვევაში სიკვდილს იწვევს.
გაეროს მონაცემებით, 2012 წელს, ქალების ნახევარი პარტნიორის ან ოჯახის წევრის მიერ ძალადობას ემსხვერპლა. ხოლო მსგავსი ძალადობის მსხვერპლი კაცების 6 % გახდა.
ქალთა მიმართ ძალადობის კიდევ ერთი უკიდურესი შემთხვევაა გენეტალიების დასახიჩრება. ეს მავნე პრაქტიკა 2000 წლის შემდეგ 24%-ით შემცირდა. მიუხედავად ამისა, 30 ქვეყანას მაინც მაღალი მაჩვენებელი აქვს.
უფრო მეტიც, 15-49 წლის ასაკის ქალების მხოლოდ 52 %, რომლებიც არიან დაქორწინებულები ან იმყოფებიან ურთიერთობებში, იღებს გადაწყვეტილებას სექსუალური ურთიერთობის შეთანხმების შესახებ და ჯანდაცვის მომსახურების ცენტრებს აკითხავს და კონტრაცეპტივს იყენებს.
ეს სტატისტიკა ეფუძნება 45 ქვეყნის 2012 წლის მონაცემებს, 43 მათგანი კი განვითრებადია.
კვლევა ასევე აჩვენებს, რომ გენდერული თანასწორობის მიღწევა ხელს უწყობს კონფლიქტის თავიდან აცილებას და ქალთა მიმართ ძალადობის მაღალი მაჩვენებლის შემცირებას.
მტკიცებულებების მიუხედავად, ქალთა ჩართულობა და დაცვის ქმედებები კვლავ არასაკმარისია.
ერთ-ერთი მთავარი გამოწვევა ქალებისა და გოგონების მიმართ ძალადობის თავიდან აცილება და ამ ღონისძიებების გასატარებლად დაფინანსების შემცირება.
რის შედეგადაც, ქალებისა და გოგონების მიმართ ძალადობის პრევენციისა და დასრულების ინიციატივებს რესურსები აკლია.
განვითარების მიზნები, რომელიც მოიცავს ქალთა და გოგონათა მიმართ ძალადობის დამთავრების კონკრეტულ მიზანს უზარმაზარი დაპირების შეთავაზებაა, მაგრამ აუცილებელია ადეკვატურად დაფინანსდეს ქალებისა და გოგონების ცხოვრებაში რეალური და მნიშვნელოვანი ცვლილებების შეტანა,.
ევროკავშირი და გაერო ქალთა მიმართ ძალადობის აღმოსაფხვრელი ინიციატივით გამოვიდნენ.
UniTE-ს მიზანი ძალადობის წინააღმდეგ 16-დღიანი კამპანიის ჩატარებაა, რომელიც 25 ნოემბრიდან 10 დეკემბრის ჩათვლით გაგრძელდება.
როგორც ცნობილია, 10 დეკემბერს ადამიანის უფლებების დაცვის საერთაშორისო დღეა.
კამპანიის თემა: „ არავინ დატოვო უკან _ დამთავრდეს ძალადობა ქალებისა და გოგონების მიმართ“, რომელიც ასევე ეხება ლტოლვილებს, მიგრანტებს, უმცირესობებს, უპირველესად კი, კონფლიქტისა და სტიქიური უბედურების შედეგად დაზარალებულ ქალებს.
გაეროს ცნობით, ქალთა მიმართ ძალადობის აღმოფხვრის საერთაშორისო დღესთან დაკავშირებით შენობები ნარინჯისფრად განათდება.
