საქართველოს პრეზიდენტ გიორგი მარგველაშვილს, ბოლო ქონებრივი დეკლარაცია 2014 წლის 7 აგვისტოს აქვს შევსებული.
დეკლარაციის მიხედვით, გიორგი მარგველაშვილი დუშეთში 5 მიწის ნაკვეთის მფლობელია, რომლებიც სააკაძის ქუჩაზე მდებარეობს. მათი ფართობები შემდეგნაირად ნაწილდება – 775.00 კვ.მ; 946.00 კვ.მ; 1200.00 კვ.მ.
100%-იანი მესაკუთრეა დუშეთის რაიონში, სააკაძის ქუჩაზე მდებარე 1000.00 კვ.მ -ისა და 541.00 კვ.მ. ფართობის.
აქედან, 1000.00 კვ.მ მიწის ფართობი, მას სავარაუდოდ პრეზიდენტობის პერიოდში აქვს შეძენილი, რადგან ერთი წლით ადრე, 2013 წლის 6 აგვისტოს შევსებული დეკლარაციის მიხედვით, როცა განათლებისა და მეცნიერების მინისტრი იყო, მას აღნიშნული მიწის ნაკვეთი არ ჰქონდა.
აქვე აქვს საქართველოს პრეზიდენტს საცხოვრებელი სახლიც, რომელიც 200.00 კვ.მ-ია
გიორგი მარგველაშვილი, თბილისში, პაულო იაშვილის ქუჩა მდებარე ბინა აქვს, რომელიც 120.00 კვ.მ-ია.
პრეზიდენტს თიბისი ბანკში სახელფასო ბარათზე 3 948.73 ლარი აქვს.
განათლებისა და მეცნიერების მინისტრობის პერიოდში ხელფასის სახით, ერთი წლის განმავლობაში, აღებული აქვს 21 937.57 ლარი. ხოლო, პრეზიდენტობის პერიოდში (დეკლარაციის შევსების მომენტისთვის) 5 653.37 ლარი.
არ ფლობს 10 000 ლარზე მეტი ღირებულების მოძრავ ქონებას, ისევე როგორც ფასიან ქაღალდებს.
არ აქვს ნაღდი ფული, რომელიც 4 000 ლარს აღემატება.
რაც შეეხება ოჯახის წევრების საკუთრებაში არსებულ ქონებასა და მიმდინარე საბანკო ანგარიშებს, გიორგი მარგველაშვილის მამა – თეიმურაზი მარგველაშვილი, თბილისში, პავლე ინგოროყვას ქუჩაზე მდებარე 165.00 კვ.მ ფართობის ბინას ფლობს. მის მიმდინარე ანგარიშებზე თანხა არ ირიცხება.
დედა – მზეანა გომელაურს თიბისი ბანკში, სახელფასო ანგარიშზე 4 263.83 და 1 045.00 ლარი ერიცხება.
დეკლარაციის შევსების პერიოდში, წინა წლის სახელფასო ანაზღაურების სახით, მზეანა გომელაურს აპოლონ ქუთათელაძის სახელობის სამხატვრო აკადემიის ლექტორობისთვის, მიღებული აქვს ხელფასი 2 588.73 ლარის ოდენობით.
ასევე, 1 225.00 ლარი, გრიგოლ რობაქიძის სახელობის უნივერსიტეტიდან, სადაც მას ლექტორის პოზიცია ეკავა.
შეგახსენებთ, რომ გიორგი მარგველაშვილი საქართველოს პრეზიდენტად 2013 წლის 27 ოქტომბერს აირჩიეს.
