სოფო კვირჩილაძე:
_ ჯერ ამაზე არ მიფიქრია, თუმცა, რა ვადებშიც არ უნდა ჩატარდეს საპარლამენტო არჩევნები, მე, როგორც ახალგაზრდა, მხარს იმ პარტიას დავუჭერ, ვის პროგრამაშიც მეტად იქნება გათვალისწინებული ახალგაზრდების ინტერესები.
ქეთევან მანტკავა:
_ ვადამდელი და საერთოდ, ნებისმიერი არჩევნების შემთხვევაში, მხარს იმ პარტიას დავუჭერ, რომლის საარჩევნო პროგრამაშიც ქვეყნის სამომავლო ინტერესები მეტად იქნება გათვალისწინებული, როგორც პოლიტიკური, ასევე ეკონომიკური თვალსაზრისით.
გრიგოლ ჯაფარიძე:
_ ვფიქრობ, ვადამდელი საპარლამენტო არჩევნები არ დაინიშნება. არჩევნები, ჩემი აზრით, კონსტიტუციურ ვადებში უნდა ჩატარდეს.
ზურაბ ჯიჯიეშვილი:
_ კოალიცია "ქართულ ოცნებას".
ვალიდა დევიძე:
_ არც ერთს _ ყველამ გამანადგურა!
იზოლდა სანიკიძე:
_ ჯერ არ დავფიქრებულვარ, ალბათ, "ქართულ ოცნებას".
მანანა ალანია:
_ არ ვიცი, არ გადამიწყვეტია.
ნუნუ ბერიძე:
_ ბურჯანაძეს.
გელა დოლიძე:
_ ცოტა დასაფიქრებელი ამბავია, ასე არ შემიძლია თქმა. თავს ვიკავებ პასუხისგან. ვნახოთ, გაზაფხული როგორ გადაგორდება და მერე მექნება პასუხი.
ჯემალ გუდაძე:
_ ჯერ არ მაქვს გადაწყვეტილი.
