ოზურგეთის მერი, ბეგლარ სიორიძე, ოზურგეთში 4 მიწის ნაკვეთისა და 1 საცხოვრებელი სახლის 100%-იანი მფლობელია.
მის საკუთრებაშია ჩოხატაურის რაიონის, კორორტ ბახმაროში მდებარე 120.00კვ.მ ფართობის მიწა. ასევე, 400 კვ.მ მიწის ნაკვეთი სოფ. ნატანებში და 20 000.00 კვ.მ ფართობის მიწა ოზურგეთის სოფ. წითელმთაში.
სიორიძის მფლობელობაშია 613.60 კვ.მ ფართობის მიწა და 116.40 კვ.მ ფართობის სახლი ოზურგეთში.
დეკლარაციის თანახმად, რომელიც ოზურგეთის მერს 2014 წლის 2 ოქტომბერს აქვს შევსებული, ის 2013 წელს გამოშვებული ტოიოტა ლენდგრუიზერ პრადოს მფლობელია.
რაც შეეხება ბეგლარ სიორიძის საბანკო ანგარიშებს, ვითიბი ბანკში მას 27 000.00 ლარი აქვს, ხოლო ნაღდი ფულადი თანხის სახით, მერის ოჯახი 14 000.00 ლარის მფლობელია.
წინა წლის პირველი იანვრიდან 31 დეკემბრის ჩათვლით ბეგლარ სიორიძემ სოფლის მეურნეობის პროდუქციის რეალიზაციიდან შემოსავლის სახით 16 000.00 ლარი მიიღო.
დეკლარაციის თანახმად მას პარტნიორული ურთიერთობები აქვთ შემდეგ საწარმოებთან: შპს "თხილის საექსპორტო კომპანია", შპს "ელეგანტი 2007", შპს "პრიმა დიღომი", შპს "ავანგარდი", შპს "ექსიმ კომპანი".
ამავე დეკლარაციის თანახმად, ქალაქ ოზურგეთის მერის მეუღლე, ლელა თოიძე 2 მიწის ნაკვეთისა და 3 საცხოვრებელი სახლის მფლობელია – 228, 90 კვ.მ ფართობის ბინა თბილისში, თბილისი, 64.00 კვ.მ ფართობის სახლი წავკისში. აქვე აქვს თოიძეს 452.00 კვ.მ ფართობის მიწის ნაკვეთიც.
მის მფლობელობაშია ოზურგეთის სოფ. კონჭკათში მდებარე 198.00 კვ.მ ფართობის სახლი და 20 153.00 კვ.მ ფართობის მიწა.
აქვს 2011 წელს გამოშვებული მსუბუქი ავტომანქანა ჰიუნდაი ix 35 და 1996 წელს გამოშვებული მერსედესი ე 200.
რაც შეეხება თოიძის საბანკო ანგარიშებს, მას ვითიბი ბანკის მიმდინარე ანგარიშზე 9 000.00 ლარი ერიცხება.
წინა წლის პირველი იანვრიდან 31 დეკემბრის ჩათვლით კი, სოფლის მეურნეობის პროდუქტის რეალიზაციიდან შემოსავლის სახით მიღებული აქვს 15 000.00 ლარი.
ქალაქ ოზურგეთის მერის, ბეგლარ სიორიძის შვილი 1998 წელს გამოშვებული მსუბუქი ავტომანქანა ბმვ 528 მფლობელია. დეკლარაციაში არაფერია ნათქვამი მის საბანკო ანგარიშებსა და სხვა სახის უძრავ/მოძრავ ქონებაზე.
