მიმდინარე წლის 6 მარტს, 19:30 საათზე საქართველოს პრეზიდენტის სასახლე მწვანედ, ხოლო პარლამენტისა და მთავრობის კანცელარიის შენობები ყვითლად განათდება.
აღნიშნული ღონისძიება – სახელმწიფო სტრატეგიული შენობების მწვანედ და ყვითლად განათება, სიმბოლურია და ის საზოგადოებას გენდერული კვოტების მიმართ საქართველოს პოლიტიკური ინსტიტუციების დამოკიდებულებას დაანახებს.
პროექციებში ასევე გამოყენებული იქნება სტატისტიკური ინფორმაცია საქართველოს პარლამენტისა და თვითმართველობის ორგანოებში ქალთა მონაწილეობის შესახებ 1992 წლიდან დღემდე.
საინფორმაციო აქციის ორგანიზატორია გაეროს განვითარების პროგრამა (UNDP) საქართველოს მთავრობასთან თანამშრომლობით და შვედეთის მთავრობის ხელშეწყობით.
საინფორმაციო აქცია გაიმართება 2015 წლის გენდერული თანასწორობის კვირეულის ფარგლებში, რომლის წლევანდელი სლოგანია "ძლიერი ქალი – ძლიერი საზოგადოება".
ცნობისთვის, გენდერული თანასწორობა საქართველოს პოლიტიკაში ასე გამოიყურება – 2012 წლის მოწვევის საქართველოს პარლამენტში მხოლოდ 18 ქალია წარმოდგენილი, რაც პარლამენტის წევრთა რაოდენობის 12%–ს შეადგენს. პარლამენტში ქალთა რაოდენობის მიხედვით საქართველოს 104-ე ადგილზეა 189 ქვეყანას შორის. ადგილობრივ თვითმმართველობებში ქალთა რაოდეობა 11.6%-ია.
გენდერული კვოტები: ქალთა კვოტების სისტემა მსოფლიოში აპრობირებული მეთოდია არჩევით ორგანოებში გენდერული ბალანსის უზრუნველსაყოფად. გენდერული კვოტა – სპეციალური დროებითი ზომაა. მისი შემოღებით პოლიტიკური პარტიები იღებენ ვალდებულებას შეიყვანონ პარტიულ სიებში ქალების წინასწარ განსაზღვრული რაოდენობა.
ბა.
