“ჩემი ბებია“, “გაღმა ნაპირი“, “გაიღიმეთ“, “მონანიება“ _ ქართული ფილმების კვირეული ბრაზილიაში

ბრაზილიაში საქართველოს საელჩოს ორგანიზებითა და საქართველოს კინოცენტრის მხარდაჭერით,  რიო დე ჟანეიროს კულტურის ცენტრში  ქართული ფილმების კვირეული გაიმართა.

ქართული ფილმების ჩვენება ბრაზილიაში 5 დღის განმავლობაში მიმდინარეობდა და  დღეს დასრულდა.

კინოჩვენებაზე დამსწრე საზოგადოებას ბრაზილიაში საქართველოს ელჩი ოთარ ბერძენიშვილი შეხვდა.  გაიმართა დებატები თემაზე "ძველი და ახალი საქართველო – საუკუნეზე მეტი ხნის კინემატოგრაფია".

კინოკვირეულის ფარგლებში ბრაზილიელ მაყურებელს ქართული მხატვრული ფილმები: "ჩემი ბებია“, "გაღმა ნაპირი“, "გაიღიმეთ“, "ფიროსმანი" და "მონანიება“ უჩვენეს.