ამ წუთებში, ოზურგეთში, თეატრალურ მოედანზე და ჭადრების ბაღში, დამოუკიდებლობის დღისადმი მიძღვნილი ღონისძიება ტარდება.
ცივი გაზაფხულის მიუხედავად, დღეს, დროის შესაფერად თბილა, _ ცაზე მზე და ირგვლივ გულიანი ხალისია.
ყველაზე ძალიან პატარებს უხარიათ-ფერადი სამოსითა და ბურთებით, დროშებით დარბიან და ხალისობენ.
ღონისძიებაზე მოვიდა ოზურგეთის მუნიციპალიტეტის მერი, ავთანდილ თალაკვაძე, მხარის რწმუნებული, საკრებულოს თავმჯდომარე.
ქართულ-უკრაინული დროშის ფერებით მორთული და შემკობილი კვების პროდუქტები, გემოვნებით და ლამაზად მორთული წარმოადგინეს კოლეჯ „ჰორიზონტის“ მოკლე და გრძელვადიანი სწავლების სტუდენტებმა.
ასევე სამზარეულო კულტურის ნიმუშები გამოფინეს გორაბერეჟოულის ტექნიკუმის წარმომადგენლებმა. მათ მიერ შექმნილი „გურული ოდა“, მწვანე გარემოში , კარგი ხელოვნებით შესრულებული მაკეტია.
მოსწავლე ახალგაზრდობის და კულტურის ცენტრის ორგანიზებით, წარმოდგენილია ნინო კილაძის დამზადებული თოჯინები, მამია მენაბდის და ვაჟა ხურციძის შექმნილი, ძირითადად ქართული დასახელების საყოფაცხოვრებო და სახელოვნებო ნივთები.
თავისი მომზადებული ჩაის საგემოვნებო ნიმუშები წარმოადგინა ულამაზესმა ლანა ჟღენტმა, რომელიც უკვე მთელ საქართველოში ცნობილია, როგორ გურიაში ჩაის აღორძინებაზე მომუშავე და წარმატებული ლიდერი, მეწარმე ქალბატონი.
_ეს დღე ერთნაირად ყველასია. საქართველოს მოუკიდებლობის დღე, ყოველ წელს მხოლოდ წინსვლის იქნება, აუცილებლად გავხდებით ევროკავშირის დიდი ოჯახის წევრი, _გვითხრა სახელოვანმა მომღერალმა, ქართული მუსიკალური ფოლკლორის თვალსაჩინო წარმომადგენელმა ლევან ნინიძემ.
მასთან ერთად, ქართული ჰანგებით დამოუკიდებლობის დღის გასახმოვანებლად ემზადება, „შვიდკაცა“, ცეკვით უნდა დაამშვენონ ჭადრების ბაღი და თეატრალური მოედნის სივრცე ოზურგეთის საუკეთესო ქორეოგრაფიულმა ანსამბლებმა.
ეროვნული მოძრაობის ხანის ცნობილი ოზურგეთელმა წარმომადგენელმა, თენგიზ თავბერიძემ გაიხსენა დამოუკიდებლობის პრველი წლები, შემდეგ ეროვნული მოძრაობის პერიოდი, როცა სახელოვანმა ზვიად გამსახდურიამ და მერაბ კოსტავამ ქართველ ხალხს გამოფხიზლებისკენ მოუწოდეს და ეს შეძლეს.
-ეს დღე ჩემთვის და სრულიად საქართველოსთვის აღმაფრენის, თავისუფლების დღეა. ეს დღე მერაბ კოსტავას დაბადების დღეა და როგორც სიმბოლურად, ისე რეალურადაც ზუსტი დამთხვევაა, როგორ უნდა დაიბადოს ადამიანი და თავისუფლება ერთად. გილოცავთ ყველას – გვითხრა მან.
ავტორი
