ლანჩხუთის გამგებელმა კბილის ექიმს ლექსი მიუძღვნა

ლანჩხუთის მუნიციპალიტეტის გამგებელმა, ზაზა ურუშაძემ, მეგობარ კბილის ექიმს ლექსი 2009 წელს მიუძღვნა:

“ამ ლექს ვუძღვნი ჩემს მეგობარს, რომელიც მართლაც სანდო და კარგი კბილის ექიმია, მაგრამ დროის უკმარისობია და ტექნიკოსის მოუცლელობის გამო ხშირად პაცინეტებისთვის მიცემულ დროში ვერ ეტევა. ჩემი კბილების მკურნალობის დროსაც ასე მოხდა.

ტექნიკოსმა კბილის დამზადებას რამდენიმე თვე მოანდომა. მას (ტექნიკოსს) ჩვევად ჰქონია, რომ სახლში არავის არ უშვებს. ჩემს შემთხვევაშიც ასე მოიქცა, ფანჯრიდან გადმოიხედა და ისე დაადგინა კბილის ფერი. ალბათ მიხვდებით _ ფანჯრიდან, თანაც ღამის თორმეტ საათზე, როგორ დაადგენდა კბილის ფერს.

ამიტომაც კბილის ექიმს ხანგრძლივად უხდებოდა ავადმყოფების მკურნალობა”, _ ასეთ წინასიტყვაობას უკეთებს ზაზა ურუშაძე ლექსს სახელწოდებით “არ მთავრდება, რომელიც მის მიერ 2010 წელს გამოშვებულ წიგნში “გურიაში გურულად” დაიბეჭდა და რომელსაც “გურია ნიუსი” უცვლელად გთავაზობთ:

მე არ მინდა რომ გეწყინოს,

იცი, მე მაქ შენი რიდი,

როცა ამ ლექს წაიკითხავ

მინდა იყო ძაან მშვიდი.

კბილის ჩასმა მოვინდომე,

ტექნიკს ქვია გერონტი,

ერთი წელი ისე გადის

არ მთავრდება რემონტი.

ვერც დაპლომბვა დავამთავრე

მოსაცდელში გელოდი,

როდის იყო, გრიგოლ ასე

შენ ავადმყოფს შველოდი?

ერთხელ ტექნიკს შეეკითხე:

მითხარ, ბიჭო, რა მოგდის,

მე მგონია ფერის დასმა

კბილზე შენ არ გამოგდის.

ხან წითელი, ხან ყვითელი

ხან კი ალვის ფერია

ამ კბილების გათეთრება,

ვატყოფ, ძაან ძნელია.

კბილი კბილზე არ ედება

დაჭიმული გრძელია,

უკან მისი გამოღება

შენ ამბობ რომ ძნელია.

ერთხელ ტექნიკს მივაკითხეთ,

მან კარი არ გავიღო,

ფანჯრებიდან გადმოხედვით

ფერი ასე გაიგო.

გამოსავლის ძიებაში

მოიგონე პურის კბილი,

ჩასმის დროს კი დაიჩივლე:

სერი იყო ნეტე ფქვილი?

წითელ-ყვითელ-ალვისფერი,

დაემატა ახლა სერი,

ხომ არ ჯობდა, პლომბვის ნაცვლად

შენ გაგეხსნა კრასკის ქსელი.

მომლოდინე ბევრი ნახე

ზოგი ჩხუბობს, ზოგი ტირის,

ერთი ცრემლებს აღვარღვარებს:

პროტეზი აქ ჩემი შვილის.

ეს ტექნიკი სად იპოვე

ან ვინ გითხრა მისი ბინა

შენ უკბილოდ რომ გამოჩნდი

ამოუშვა ხალხმა ქშინვა.

მალე ხალხი დაამშვიდე

და მიეცი მათ შენ რჩევა

უთხარი, რომ ამ ლოდინში

აგეწევათ თქვენ აქ წნევა.

მე კი თვალი ჩამიკარი

ხომ დაუგე ამ ხალხს მახე,

მაგ ტექნიკის შემხედვარე

ცუდად წავა შენი საქმე.

გირჩევ დროზე გაეცალო

მინდა მოგცე ძმური რჩევა,

მან კარები გადაკეტა

ფანჯრიდან კი სხვა ვერ შევა.

როცა ლექსი წაიკითხე,

მითხარ, თუ ხარ ეხლა მშვიდი,

არ გეწყინოს, არ გაბრაზდე

იცი მე მაქ შენი რიდი.

ზაზ ურუშაძე, 2009 წელი.